Foto: Polisia.kz
Tarazda eki sheteldikti quldyqta ustaǵan kúdikti quryqtaldy, – dep habarlaidy Polisia.kz.
Media-portal málimetinshe, Taraz qalasy politsiia basqarmasynyń 2-politsiia bólimine 24 jáne 40 jastaǵy Ózbekstan Respýblikasynyń azamattarynan eńbekti paidalaný deregi boiynsha aryz túsken.
Aryzda jábirlenýshiler er adam olardyń jeke basty kýálandyratyn qujattaryn alyp qoiyp, Taraz qalasyndaǵy qurylys nysandarynda jumys isteýge májbúr etkenin aitqan. Olar qashyp úlgergen, alaida ieleri qujattaryn qaitarý úshin aqsha bopsalaǵan.
"Atalǵan derek boiynsha QR QK-niń 126-baby 3-bóliginiń 2-tarmaǵymen ("Bas bostandyǵynan zańsyz aiyrý") sotqa deiingi tergep-tekserý amaldary bastaldy.
Jedel-izdestirý is-sharalarynyń nátijesinde politsiia qyzmetkerleri Túrkistan oblysynyń 35 jastaǵy turǵynyn anyqtady. Ol talap etken shamamen 500 myń teńge kólemindegi aqshanyń 200 myń teńgesin alǵan kezinde ustaldy.
Kúdikti óz kinásin moiyndady. Quryqtaý barysynda odan 200 myń teńge somasyndaǵy aqshalai qarajat, Redmi 7 telefony jáne qujattar tárkilendi" - delingen habarlamada.
Qazirgi ýaqytta qylmystyq is boiynsha qajetti tergeý áreketteri jalǵasyp jatyr.
