Búginde Taraz qalasynyń sáýleti sát sanap artyp, oblys ortalyǵynda aitarlyqtai oń ózgerister oryn alyp jatqanyn jambyldyqtar kórip, bilip, sezinýde. Shahar shyraiyn eselegen jańa nysandar kóptep boi kóterýde, - dep habarlaidy "Ult aqparat".
Jospardaǵy kóp jobalardyń ishinde «Biz birgemiz» monýmenti de ulttyq naqyshymen kózge túsedi. Búginde qurylys qyzý júrip jatyr. Bul týraly oblys ákiminiń baspasóz qyzmeti málim etti.
Kompozitsiianyń ortasyndaǵy jer sharyn qol ustasyp turǵan dáriger, áskeri, politsiia qyzmetkerleri, órt sóndirýshiler, qutqarýshylar jáne eriktiler sekildi túrli kásiptiń ókilderi qorshap alǵan. Olar qiyn jaǵdailarda árdaiym birinshi bolyp kómekke kelip, keide ózgeni qutqarý úshin óz ómirlerin de qurbandyqqa tigip jatady.
«Sáýletshiler birlik pen qoǵamdyq kelisim ideiasyn jetkizýge tyrysty. Bizdiń halqymyz koronavirýstyq pandemiia kezinde, Arysta jarylys bolǵan kezde, Túrkistan oblysynyń Maqtaaral aýdanyndaǵy tótenshe jaǵdai oryn alǵanda da uiymshyldyq pen yntymaqtastyqtyń úlgisin kórsete bildi. Eskertkish keleshek urpaq úshin osy oqiǵalardyń esteligi bolyp qala beredi», - deidi A.Ábdeshov.
Jer sharynyń artynda turǵan biik stelanyń dál basynda qarlyǵashtar qorshap turǵan shańyraq ornalasady. Bul qus qasietti, beibitshilik pen kelisimniń belgisi bolyp sanalady. Eger ol uia salsa, qazaqtar ony jaqsylyqqa joryǵan.
Eskertkishtiń eki jaǵynda shaǵyn qurylymdar ornalasady. Olardy ejelgi naqyshtaǵy kúrdeli órnektermen bezendiriledi.
Eskertkish 14-shaǵyn aýdanǵa ornatylady.
Oblys ákimdigi sáýlet jáne qala qurylysy basqarmasynyń basshysy Arman Ábdeshovtiń aitýynsha, sáýletshilerdiń basty maqsaty – Tarazdy zamanaýi, jaily qalaǵa ainaldyra otyryp, onyń bai tarihi murasyn tanytý.
«Ár joba boiynsha jumys isteitin sáýletshiler, qurylysshylar jáne basqa da mamandar Tarazdy tartymdy, ómir súrýge yńǵaily jáne jaily etýge baryn salýda. Jańa nysandar men arhitektýralyq nysandardyń qurylysy aimaq basshysy Berdibek Saparbaevtyń tóraǵalyǵymen ótken jumys tobynyń otyrystarynda egjei-tegjeili talqylanyp otyrady, - deidi A. Ábdeshov.
Sondai-aq, búgingi kúni shaharda «Arbat-3» jaiaý júrginshiler aimaǵynyń úshinshi kezeginiń qurylysy júrip jatyr desek, ol da jas urpaqtyń tárbiesinde mańyzdy ról atqarady dep kútilýde. Aimaq «Kóne Taraz» kesheni men Qarahan kesenesin bailanystyrmaq. Arbatta 22 travertindik taqta ornatylyp, olarda ejelgi Taraz tarihynan mańyzdy datalary qashalyp jazylmaq. Merdigerler kóp uzamai 320 metrlik sazdy sýburqaqtardyń qurylysyn aiaqtamaq desek, odan bólek onda oryndyqtar, erekshe sándik elementter ornatylatyn bolady.
Aita ketý kerek, munda jumys keshendi túrde júzege asyrylmaq. Qurylysshylar birden kórshiles ǵimarattardyń qasbetin árleýdi, kóshelerdi jaryqtandyrýdy, ainalany, aialdamalardy retteýdi qatar júrgiziledi.
