Foto: Polisia.kz
Taraz politseileri jergilikti turǵynǵa ózin UQK qyzmetkerimin dep tanystyryp, 16 mln teńgeni alaiaqtyqpen iemdengen kúdiktini qolǵa túsirdi, – dep habarlaidy Polisia.kz.
Jergilikti turǵyn Taraz qalasy politsiia basqarmasynyń Birinshi politsiia bólimine 2022 jyldan 2023 jylǵa deiin páterin jalǵa alǵan er adam ózin Ulttyq qaýipsizdik komitetiniń qyzmetkeri retinde tanystyryp, aldaý arqyly senimine kirip, onyń aqshasyn paiyzdyq qaryz túrinde iemdengeni týraly shaǵymdandy.
Sonymen birge ol ulyn memlekettik qyzmetke ornalastyrýǵa jáne sot isin júrgizýge kómektesýge ýáde bergen. Keltirilgen shyǵyn 15 936 930 teńgeni qurady.
"Atalǵan derekke qatysty QR Qylmystyq kodeksiniń 190-baby 4-bóligi (Alaiaqtyq) boiynsha sotqa deiingi tergeý amaldary bastaldy.
Politsiia qyzmetkerleri oblys ortalyǵynyń 26 jastaǵy jumyssyz turǵynyn anyqtap, ustady. Qazirgi ýaqytta kúdikti ýaqytsha ustaý izoliatoryna qamaýǵa alyndy. Istiń egjei-tegjeili mán-jailaryn anyqtaý úshin barlyq qajetti jedel-tergeý is-sharalary júrgizilip jatyr" - delingen habarlamada.
Atalǵan qylmysty jasaǵany úshin QR Qylmystyq kodeksinde múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan on jylǵa deiingi merzimge aiyra otyryp nemese osy quqyǵynan ómir boiyna aiyra otyryp, bes jyldan on jylǵa deiingi merzimge bas bostandyǵynan aiyrý túrindegi jaza kózdelgen.
