فوتو: Polisia.kz
تاراز پوليتسەيلەرٸ جەرگٸلٸكتٸ تۇرعىنعا ٶزٸن ۇقك قىزمەتكەرٸمٸن دەپ تانىستىرىپ, 16 ملن تەڭگەنٸ الاياقتىقپەن يەمدەنگەن كٷدٸكتٸنٸ قولعا تٷسٸردٸ, – دەپ حابارلايدى Polisia.kz.
جەرگٸلٸكتٸ تۇرعىن تاراز قالاسى پوليتسييا باسقارماسىنىڭ بٸرٸنشٸ پوليتسييا بٶلٸمٸنە 2022 جىلدان 2023 جىلعا دەيٸن پەتەرٸن جالعا العان ەر ادام ٶزٸن ۇلتتىق قاۋٸپسٸزدٸك كوميتەتٸنٸڭ قىزمەتكەرٸ رەتٸندە تانىستىرىپ, الداۋ ارقىلى سەنٸمٸنە كٸرٸپ, ونىڭ اقشاسىن پايىزدىق قارىز تٷرٸندە يەمدەنگەنٸ تۋرالى شاعىمداندى.
سونىمەن بٸرگە ول ۇلىن مەملەكەتتٸك قىزمەتكە ورنالاستىرۋعا جەنە سوت ٸسٸن جٷرگٸزۋگە كٶمەكتەسۋگە ۋەدە بەرگەن. كەلتٸرٸلگەن شىعىن 15 936 930 تەڭگەنٸ قۇرادى.
"اتالعان دەرەككە قاتىستى قر قىلمىستىق كودەكسٸنٸڭ 190-بابى 4-بٶلٸگٸ (الاياقتىق) بويىنشا سوتقا دەيٸنگٸ تەرگەۋ امالدارى باستالدى.
پوليتسييا قىزمەتكەرلەرٸ وبلىس ورتالىعىنىڭ 26 جاستاعى جۇمىسسىز تۇرعىنىن انىقتاپ, ۇستادى. قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قاماۋعا الىندى. ٸستٸڭ ەگجەي-تەگجەيلٸ مەن-جايلارىن انىقتاۋ ٷشٸن بارلىق قاجەتتٸ جەدەل-تەرگەۋ ٸس-شارالارى جٷرگٸزٸلٸپ جاتىر" - دەلٸنگەن حابارلامادا.
اتالعان قىلمىستى جاساعانى ٷشٸن قر قىلمىستىق كودەكسٸندە مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ون جىلعا دەيٸنگٸ مەرزٸمگە ايىرا وتىرىپ نەمەسە وسى قۇقىعىنان ٶمٸر بويىنا ايىرا وتىرىپ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا كٶزدەلگەن.
