Taraz qalasynda politsiia qyzmetkerleri 150-den astam adam shaqyrylǵan úilený toiy ótkizilip jatqanyn anyqtady, dep habarlaidy "Ult aqparat".
Jambyl oblysy aýmaǵyndaǵy epidemiologiialyq jaǵdaidyń kúrdeli bolýyna bailanysty karantin sharalardy kúsheitilgen bolatyn. Mobildi toptar merekelik jáne eske alý is-sharalaryn ótkizýge salynǵan shekteýiń saqtalýy boiynsha bas sanitarlyq dárigerdiń qaýlysynyń oryndalýyna baqylaý júrgizip keledi.
Tártip saqshylary kezekti reid barysynda qaladaǵy toihanalardyń birinde 150-den astam qonaq shaqyrylǵan úilený toiyn ótkizý deregin anyqtady.
Toidy uiymdastyrýshyǵa qatysty QR Ákimshilik quqyq buzýshylyq týraly kodeksiniń 425-baby «Halyqtyń sanitarlyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha material jinaldy jáne bas sanitarlyq dárigerdiń talabyn buzýshyny ákimshilik jaýapkershilikke tartý úshin SES-ke jiberildi.
«Oblystyń barlyq turǵyndaryn azamattyq paryzyn kórsetýge jáne adam kóp jinalatyn oryndarǵa barmaýǵa, jeke qorǵanys quraldaryn alyp júrýge jáne jaqyndarynyń ómiri men densaýlyǵyn saqtaý maqsatynda áleýmettik qashyqty saqtaýǵa shaqyramyz», - delingen oblystyq politsiia departamentiniń baspasóz qyzmeti taratqan habarlamada.
