Foto: Pexels.com
Tarazda 15 jastaǵy qyz ógei ákesinen bala tapty, dep habarlaidy Ult.kz Halyqstan-ǵa silteme jasap.
«Politsiiaǵa oblystyq perinataldyq ortalyqtan habarlasyp, 15 jastaǵy júkti qyz túskenin aitqan. Balanyń ákesi retinde kúdik birden qyzdyń 54 jastaǵy ógei ákesine túsken. Biraq ol da, qyzdyń anasy da oǵan túbegeili qarsy shyǵyp, senbegen», — dep jazady basylym.
Erli-zaiyptynyń úsh qyzy bar: úlkeni birinshi nekeden, ekeýi ekinshi nekeden. Ógei ákesi áieliniń tuńǵyshyn úsh jasynan ósirgen. Al qyzdyń anasy onyń júktiligi týraly tolǵaq bastalǵanda ǵana bilgen.
«DNQ taldaýy qyzdyń ógei ákesinen bala kótergenin kórsetti. Oǵan kelispegen azamat ta, onyń áieli de sarapshylardyń qateleskenin aityp, Almatyǵa baryp táýelsiz mamandarǵa júgingen. Biraq onyń da nátijesi alǵashqydai bolǵan. Ony ustaǵan soń, alǵash ret qyz 13 jasta bolǵanda onymen jaqyndasqanyn moiyndaǵan», — dep jazylǵan habarlamada.
Ógei ákesin ustaǵan soń qyz da anasyna bolǵan jaidy aityp bergen jáne odan qoryqqan soń úndemei kelgenin jetkizgen. Politsiia bul jaǵdai boiynsha qylmystyq is qozǵady. Kúdikti 7- 12 jylǵa deiin bas bostandyǵynan aiyrylýy múmkin.
