Jambyl oblysynda esirtki zattaryn saqtady degen kúdikpen Taraz qalasynyń 50 jastaǵy turǵyny ustaldy, dep habarlaidy "Ult aqparat".
Jedel izdestirý is-sharalary «Tosqaýyl» jedel-profilaktikalyq is-sharasy barysynda ótkizildi. Iago esimdi qyzmettik it turǵylyqty jerin tintý kezinde sarai men baqshada jasyrylǵan esirtkini tabýǵa kómektesken.
Kúdikti tyiym salynǵan zattardy kanistrlerde saqtaǵan. Jalpy salmaǵy 4 kg 604 gramm keptirilgen úndi sortty marihýana tárkilendi.
«Tárkilengen esirtkiniń «qara naryqtaǵy» quny 10 million teńgeden asady. Qazirgi ýaqytta kúdikti ýaqytsha ustaý izoliatoryna qamaqqa alyndy. Sotqa deiingi tergeý amaldary júrgizilip jatyr», - dedi Jambyl oblysy politsiia departamenti esirtki qylmysyna qarsy is-qimyl basqarmasynyń bastyǵy politsiia polkovnigi Álim Bajyqbaev.
