جامبىل وبلىسىندا ەسٸرتكٸ زاتتارىن ساقتادى دەگەن كٷدٸكپەن تاراز قالاسىنىڭ 50 جاستاعى تۇرعىنى ۇستالدى, دەپ حابارلايدى "ۇلت اقپارات".
جەدەل ٸزدەستٸرۋ ٸس-شارالارى «توسقاۋىل» جەدەل-پروفيلاكتيكالىق ٸس-شاراسى بارىسىندا ٶتكٸزٸلدٸ. ياگو ەسٸمدٸ قىزمەتتٸك يت تۇرعىلىقتى جەرٸن تٸنتۋ كەزٸندە ساراي مەن باقشادا جاسىرىلعان ەسٸرتكٸنٸ تابۋعا كٶمەكتەسكەن.
كٷدٸكتٸ تىيىم سالىنعان زاتتاردى كانيسترلەردە ساقتاعان. جالپى سالماعى 4 كگ 604 گرامم كەپتٸرٸلگەن ٷندٸ سورتتى ماريحۋانا تەركٸلەندٸ.
«تەركٸلەنگەن ەسٸرتكٸنٸڭ «قارا نارىقتاعى» قۇنى 10 ميلليون تەڭگەدەن اسادى. قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قاماققا الىندى. سوتقا دەيٸنگٸ تەرگەۋ امالدارى جٷرگٸزٸلٸپ جاتىر», - دەدٸ جامبىل وبلىسى پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى پوليتسييا پولكوۆنيگٸ ەلٸم باجىقباەۆ.
