Foto: Holanews
Antikor Taraz qalalyq №2 sotynyń sýdiasyn para aldy degen kúdikpen ustady, - dep habarlaidy "Ult aqparat" agenttiktiń baspasóz qyzmetine silteme jasap.
"Sybailas jemqorlyqqa qarsy qyzmet QR Sot ákimshiliginiń qaýipsizdik bólimimen birlesip jasyryn is-sharalardyń nátijesinde 2 000 000 teńge somasynda para alǵan Taraz qalasy №2 sotynyń sýdiasyn áshkereledi.
Sýdia sottalýshydan is júrgizýde qylmystyq is boiynsha bas bostandyǵynan aiyrýǵa bailanysty emes jaza taǵaiyndaǵany úshin aqshalai qarajat aldy degen kúdikke ilindi.
Qazaqstan Respýblikasynyń Bas prokýrory Qylmystyq-protsestik kodekstiń 550-babynyń tártibimen sotqa deiingi tergep-tekserýdi jalǵastyrýǵa kelisim berdi" - delingen habarlamada.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
