22 aqpannan bastap elimizdiń barlyq kinoteatrlarynda kórsetilip jatqan «Tar zaman» filmi kópshilik qyzyǵýshylyǵyn týdyrýda.
Film rýlyq qoǵamnan Ulttyq memleket quramyz dep, óz ýaqytynan oza shapqan tulǵalarǵa arnalady.
Oqiǵa jelisi Alashorda úkimetin qurý jolyndaǵy ortaq muratqa toptasqan alash ziialylarynyń ómirinen qurylady. Basty keiipkerdiń biri Álihan Bókeihanovtyń tartysqa toly dramalyq kezeńi sýretteledi. Onyń el úshin kúresken eńbegi, ainalasyna toptalǵan tarihqa belgili tulǵalarmen bailanysy, kózqarasy men ustanymy, mahabbaty men taǵdyry kórkemdik sheshimdermen óriledi.
Alashorda úkimetin qurý jolynda kúresken Mustafa Shoqai, Ahmet Baitursynuly, Mirjaqyp Dýlatov, Smaǵul Sadýaqasov syndy tulǵalardyń da kórkem obrazdary kórinis tabady.
Alashorda úkimetin qurý barysyndaǵy tartysty pikirler men eki topqa bólingen alash ziialylary arasyndaǵy saiasi qarym-qatynas, satqyndyq, múdeller qaqtyǵysy da kórsetiledi. Omby men Semeidegi oqiǵalar, Alash áskeriniń qurylýy, Stalinniń Álihandy Máskeýge aldyrýy, abaqtydaǵy tergeý isteri qamtylady.
Qazaq dalasynyń Aqpan tóńkerisin qalai qabyldap, Qazan tóńkerisinen keiin nege ekige bólingeni negizgi oqiǵaǵa arqaý boldy. Álihannyń alash jurty ustanýǵa tiisti bes ustanymy tóńiregindegi amanat oilarymen túiindeledi.
