2026 jyldyń qazan aiynda bes kúndik jumys aptasymen eńbek etetin qazaqstandyqtar 10 kún demalyp, 21 kún jumys isteidi, dep habarlaidy ult.kz.
Qosymsha demalys 25 qazan – Respýblika kúnine bailanysty beriledi. Biyl ulttyq mereke jeksenbige túsetindikten, demalys kúni 26 qazan, dúisenbige aýystyrylady. Bul 2026 jylǵa arnalǵan resmi óndiristik kúntizbede kórsetilgen.
Osylaisha, bes kúndik jumys aptasynda qazaqstandyqtardy qatarynan úsh kúndik demalys kútedi:
24 qazan, senbi – demalys kúni;
25 qazan, jeksenbi – Respýblika kúni;
26 qazan, dúisenbi – merekege bailanysty aýystyrylǵan demalys kúni.
Al 27 qazan, seisenbide qazaqstandyqtar qaita jumysqa shyǵady.
Alty kúndik jumys aptasynda da 25 qazannan beriletin demalys 26 qazanǵa aýystyrylady. Resmi óndiristik kúntizbede bul tártip bes kúndik jáne alty kúndik jumys aptasyna da qarastyrylǵan.
Aita keteiik, Respýblika kúni – Qazaqstandaǵy ulttyq mereke. 1990 jylǵy 25 qazanda Qazaq KSR-niń Memlekettik egemendigi týraly deklaratsiiasy qabyldanǵan. Bul qujat Qazaqstannyń keiin táýelsiz memleket retinde qalyptasýyna negiz bolǵan mańyzdy tarihi aktilerdiń biri sanalady.
