2026 جىلدىڭ قازان ايىندا بەس كٷندٸك جۇمىس اپتاسىمەن ەڭبەك ەتەتٸن قازاقستاندىقتار 10 كٷن دەمالىپ, 21 كٷن جۇمىس ٸستەيدٸ, دەپ حابارلايدى ult.kz.
قوسىمشا دەمالىس 25 قازان – رەسپۋبليكا كٷنٸنە بايلانىستى بەرٸلەدٸ. بيىل ۇلتتىق مەرەكە جەكسەنبٸگە تٷسەتٸندٸكتەن, دەمالىس كٷنٸ 26 قازان, دٷيسەنبٸگە اۋىستىرىلادى. بۇل 2026 جىلعا ارنالعان رەسمي ٶندٸرٸستٸك كٷنتٸزبەدە كٶرسەتٸلگەن.
وسىلايشا, بەس كٷندٸك جۇمىس اپتاسىندا قازاقستاندىقتاردى قاتارىنان ٷش كٷندٸك دەمالىس كٷتەدٸ:
24 قازان, سەنبٸ – دەمالىس كٷنٸ;
25 قازان, جەكسەنبٸ – رەسپۋبليكا كٷنٸ;
26 قازان, دٷيسەنبٸ – مەرەكەگە بايلانىستى اۋىستىرىلعان دەمالىس كٷنٸ.
ال 27 قازان, سەيسەنبٸدە قازاقستاندىقتار قايتا جۇمىسقا شىعادى.
التى كٷندٸك جۇمىس اپتاسىندا دا 25 قازاننان بەرٸلەتٸن دەمالىس 26 قازانعا اۋىستىرىلادى. رەسمي ٶندٸرٸستٸك كٷنتٸزبەدە بۇل تەرتٸپ بەس كٷندٸك جەنە التى كٷندٸك جۇمىس اپتاسىنا دا قاراستىرىلعان.
ايتا كەتەيٸك, رەسپۋبليكا كٷنٸ – قازاقستانداعى ۇلتتىق مەرەكە. 1990 جىلعى 25 قازاندا قازاق كسر-نٸڭ مەملەكەتتٸك ەگەمەندٸگٸ تۋرالى دەكلاراتسيياسى قابىلدانعان. بۇل قۇجات قازاقستاننىڭ كەيٸن تەۋەلسٸز مەملەكەت رەتٸندە قالىپتاسۋىنا نەگٸز بولعان ماڭىزدى تاريحي اكتٸلەردٸڭ بٸرٸ سانالادى.
