22 اقپاننان باستاپ ەلٸمٸزدٸڭ بارلىق كينوتەاترلارىندا كٶرسەتٸلٸپ جاتقان «تار زامان» فيلمٸ كٶپشٸلٸك قىزىعۋشىلىعىن تۋدىرۋدا.
فيلم رۋلىق قوعامنان ۇلتتىق مەملەكەت قۇرامىز دەپ, ٶز ۋاقىتىنان وزا شاپقان تۇلعالارعا ارنالادى.
وقيعا جەلٸسٸ الاشوردا ٷكٸمەتٸن قۇرۋ جولىنداعى ورتاق مۇراتقا توپتاسقان الاش زييالىلارىنىڭ ٶمٸرٸنەن قۇرىلادى. باستى كەيٸپكەردٸڭ بٸرٸ ەليحان بٶكەيحانوۆتىڭ تارتىسقا تولى درامالىق كەزەڭٸ سۋرەتتەلەدٸ. ونىڭ ەل ٷشٸن كٷرەسكەن ەڭبەگٸ, اينالاسىنا توپتالعان تاريحقا بەلگٸلٸ تۇلعالارمەن بايلانىسى, كٶزقاراسى مەن ۇستانىمى, ماحابباتى مەن تاعدىرى كٶركەمدٸك شەشٸمدەرمەن ٶرٸلەدٸ.
الاشوردا ٷكٸمەتٸن قۇرۋ جولىندا كٷرەسكەن مۇستافا شوقاي, احمەت بايتۇرسىنۇلى, مٸرجاقىپ دۋلاتوۆ, سماعۇل سادۋاقاسوۆ سىندى تۇلعالاردىڭ دا كٶركەم وبرازدارى كٶرٸنٸس تابادى.
الاشوردا ٷكٸمەتٸن قۇرۋ بارىسىنداعى تارتىستى پٸكٸرلەر مەن ەكٸ توپقا بٶلٸنگەن الاش زييالىلارى اراسىنداعى ساياسي قارىم-قاتىناس, ساتقىندىق, مٷدەللەر قاقتىعىسى دا كٶرسەتٸلەدٸ. ومبى مەن سەمەيدەگٸ وقيعالار, الاش ەسكەرٸنٸڭ قۇرىلۋى, ستاليننٸڭ ەليحاندى مەسكەۋگە الدىرۋى, اباقتىداعى تەرگەۋ ٸستەرٸ قامتىلادى.
قازاق دالاسىنىڭ اقپان تٶڭكەرٸسٸن قالاي قابىلداپ, قازان تٶڭكەرٸسٸنەن كەيٸن نەگە ەكٸگە بٶلٸنگەنٸ نەگٸزگٸ وقيعاعا ارقاۋ بولدى. ەليحاننىڭ الاش جۇرتى ۇستانۋعا تيٸستٸ بەس ۇستانىمى تٶڭٸرەگٸندەگٸ امانات ويلارىمەن تٷيٸندەلەدٸ.
