Shyǵys Qazaqstan oblysynda tanysynyń senimine kirip, onyń atyna taýarlyq nesie rásimdegen azamatqa qatysty alaiaqtyq faktisi boiynsha tergeý bastaldy, dep habarlaidy ult.kz.
Polisia.kz málimetinshe, Altai qalasynyń politsiia bólimine bankten qaryzy bar ekeni týraly habarlama alǵan jergilikti turǵyn shaǵymdanǵan.
«Hi-Tech» jedel-profilaktikalyq is-sharasy barysynda politseiler qylmysqa jábirlenýshiniń tanysy qatysy baryn anyqtady.
Tergeý málimetine sáikes, ótken jyldyń qarasha aiynda kúdikti tanysynyń telefonyn ýaqytsha paidalaný úshin alyp, bank qosymshasyna kirgen. Keiin onyń atyna taýarlyq nesie rásimdep, shamamen 400 myń teńgege oiyn konsolin satyp alǵan. Tapsyrysty óz mekenjaiyna jetkizýdi kórsetken.
Jábirlenýshi zańsyz rásimdelgen nesie týraly tek bankten bereshek jóninde habarlama kelgennen keiin ǵana bilip, politsiiaǵa júgingen.
Atalǵan derek boiynsha sotqa deiingi tergeý júrgizilip jatyr.
Politsiia azamattardy qyraǵylyq tanytyp, eshkimge, tipti tanystary men áriptesterine de, telefonyn nemese bank qosymshasyna qol jetkizý múmkindigin bermeýge shaqyrdy. Óitkeni mundai áreket eleýli qarjylyq shyǵynǵa ákelýi múmkin.
