شىعىس قازاقستان وبلىسىندا تانىسىنىڭ سەنٸمٸنە كٸرٸپ, ونىڭ اتىنا تاۋارلىق نەسيە رەسٸمدەگەن ازاماتقا قاتىستى الاياقتىق فاكتٸسٸ بويىنشا تەرگەۋ باستالدى, دەپ حابارلايدى ult.kz.
Polisia.kz مەلٸمەتٸنشە, التاي قالاسىنىڭ پوليتسييا بٶلٸمٸنە بانكتەن قارىزى بار ەكەنٸ تۋرالى حابارلاما العان جەرگٸلٸكتٸ تۇرعىن شاعىمدانعان.
«Hi-Tech» جەدەل-پروفيلاكتيكالىق ٸس-شاراسى بارىسىندا پوليتسەيلەر قىلمىسقا جەبٸرلەنۋشٸنٸڭ تانىسى قاتىسى بارىن انىقتادى.
تەرگەۋ مەلٸمەتٸنە سەيكەس, ٶتكەن جىلدىڭ قاراشا ايىندا كٷدٸكتٸ تانىسىنىڭ تەلەفونىن ۋاقىتشا پايدالانۋ ٷشٸن الىپ, بانك قوسىمشاسىنا كٸرگەن. كەيٸن ونىڭ اتىنا تاۋارلىق نەسيە رەسٸمدەپ, شامامەن 400 مىڭ تەڭگەگە ويىن كونسولٸن ساتىپ العان. تاپسىرىستى ٶز مەكەنجايىنا جەتكٸزۋدٸ كٶرسەتكەن.
جەبٸرلەنۋشٸ زاڭسىز رەسٸمدەلگەن نەسيە تۋرالى تەك بانكتەن بەرەشەك جٶنٸندە حابارلاما كەلگەننەن كەيٸن عانا بٸلٸپ, پوليتسيياعا جٷگٸنگەن.
اتالعان دەرەك بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
پوليتسييا ازاماتتاردى قىراعىلىق تانىتىپ, ەشكٸمگە, تٸپتٸ تانىستارى مەن ەرٸپتەستەرٸنە دە, تەلەفونىن نەمەسە بانك قوسىمشاسىنا قول جەتكٸزۋ مٷمكٸندٸگٸن بەرمەۋگە شاقىردى. ٶيتكەنٸ مۇنداي ەرەكەت ەلەۋلٸ قارجىلىق شىعىنعا ەكەلۋٸ مٷمكٸن.
