Tanymal qazaqstandyq shańǵyshy Nikolai Chebotko jol-kólik oqiǵasy saldarynan qaza boldy, dep habarlaidy "Ult aqparat".
Qazaqstannyń shańǵy jarysynyń ulttyq federatsiiasy Instagram-daǵy paraqshasynda Qazaqstan Respýblikasyna eńbek sińirgen sport sheberi Nikolai Chebotko qaiǵyly oqiǵa saldarynan kóz jumǵany habarlandy.
«Barsha sport qoǵamdastyǵy atynan Nikolaidyń týystary men jaqyndaryna qaiǵyryp kóńil aitamyz», - dep jazdy federatsiia ókilderi.
Sonymen qatar Olympic.kz saitynda álem chempionatynyń qola júldegeri 38 jastaǵy Nikolai Chebotko 24 qańtarǵa qaraǵan túni Býrabai aýyly mańynda (Aqmola oblysy) jol apatynan kóz jumǵany habarlandy.
«Qazaqstan Ulttyq Olimpiadalyq komiteti barlyq sporttyq qaýymdastyq atynan sportshynyń jaqyndary men týystaryna qaiǵyra kóńil aitady. Nikolai Chebotko talantty shańǵyshy, olimpiadashy jáne jarqyn júzdi adam retinde máńgi júregimizde saqtalady», - dep jazylǵan saitta.
Shańǵy sportynan 2013 jylǵy álem chempionatynyń qola júldegeri, tórt birdei Olimpiada oiyndarynyń qatysýshysy. Úlken sporttaǵy eń iri jetistigine Nikolai Chebotko 2013 jyly qol jetkizdi. Ol sol jyly Val-de-Femmede ótken álem chempionatynda komandalyq sprint boiynsha úzdik úshtikke engen. Sondai-aq, sportshy Aziia oiyndarynda úsh altyn, tórt kúmis jáne eki qola medal jeńip alǵan.
