Belgili kompozitor topyrlaǵan toi ánshileri sahnanyń sánin ketirdi degen pikirde. Ol meiramhanada án salatyndar men kieli sahnaǵa shyǵatyn ánshilerdi saralaityn kórkemdik keńes qurý kerektigin aitty, - dep habarlaidy «NTK» arnasyna silteme jasaǵan NUR.KZ.
«Sahnany nege kieli deidi? Buǵan adam aldyn - ala bilet alady, kiimin daiyndaidy. Ózin psihologiialyq turǵydan daiyndaidy. Gúlin alady. Daiyndalyp kelip, seni perishtedei, qudaidai kórip, keshińe qatysady. Al, toida otyrsań bireýi temekisin shegip kelip jatyr. Bireýi tamaǵyn jep otyr. Bireýi vatsapqa túsirip, sýretin jiberip jatyr. Ol saǵan degen qurmet emes», - deidi Qaldybek Qurmanáli.
Sondai-aq ol ánshilerdiń sahna men toidy shatastyryp alatynyn aitty.
«Kontsertte otyrǵan kórermen ol da toiǵa barady. Toiǵa barǵan kórermen onyń da kontsertke barýy múmkin. «Olar ózderin aldaǵysy keledi. Onda halyq otyr ǵoi deidi. Ainalaiyn, túrmege baryp án aitsańshy, saýnaǵa baryp án ait... Onda da halyq otyr ǵoi», - dep ánshilerge qatysty pikir bildirdi sazger.
