بەلگٸلٸ كومپوزيتور توپىرلاعان توي ەنشٸلەرٸ ساحنانىڭ سەنٸن كەتٸردٸ دەگەن پٸكٸردە. ول مەيرامحانادا ەن سالاتىندار مەن كيەلٸ ساحناعا شىعاتىن ەنشٸلەردٸ سارالايتىن كٶركەمدٸك كەڭەس قۇرۋ كەرەكتٸگٸن ايتتى, - دەپ حابارلايدى «نتك» ارناسىنا سٸلتەمە جاساعان NUR.KZ.
«ساحنانى نەگە كيەلٸ دەيدٸ? بۇعان ادام الدىن - الا بيلەت الادى, كيٸمٸن دايىندايدى. ٶزٸن پسيحولوگييالىق تۇرعىدان دايىندايدى. گٷلٸن الادى. دايىندالىپ كەلٸپ, سەنٸ پەرٸشتەدەي, قۇدايداي كٶرٸپ, كەشٸڭە قاتىسادى. ال, تويدا وتىرساڭ بٸرەۋٸ تەمەكٸسٸن شەگٸپ كەلٸپ جاتىر. بٸرەۋٸ تاماعىن جەپ وتىر. بٸرەۋٸ ۆاتساپقا تٷسٸرٸپ, سۋرەتٸن جٸبەرٸپ جاتىر. ول ساعان دەگەن قۇرمەت ەمەس», - دەيدٸ قالدىبەك قۇرمانەلٸ.
سونداي-اق ول ەنشٸلەردٸڭ ساحنا مەن تويدى شاتاستىرىپ الاتىنىن ايتتى.
«كونتسەرتتە وتىرعان كٶرەرمەن ول دا تويعا بارادى. تويعا بارعان كٶرەرمەن ونىڭ دا كونتسەرتكە بارۋى مٷمكٸن. «ولار ٶزدەرٸن الداعىسى كەلەدٸ. وندا حالىق وتىر عوي دەيدٸ. اينالايىن, تٷرمەگە بارىپ ەن ايتساڭشى, ساۋناعا بارىپ ەن ايت... وندا دا حالىق وتىر عوي», - دەپ ەنشٸلەرگە قاتىستى پٸكٸر بٸلدٸردٸ سازگەر.
