Esirtki taratatyndarmen kúres baǵytynda Telegram ákimshilerimen birlese 430 chatty buǵattaý máselesi pysyqtalyp jatyr. Bul týraly QR IIM Esirtki qylmysyna qarsy is-qimyl departamenti bastyǵynyń mindetin atqarýshy Asqar Muhametqaliev málim etti, dep habarlaidy QazAqparat.
Ministrliktegi onlain ótken baspasóz máslihatynda internet jelisinde adamdardy kýrer retinde jumysqa qabyldaý jii kezdesetini jáne osy jarnamalar kei jaǵdaida bul adamdardy esirtkini taratýǵa jumyldyrý úshin jasalatyny aityldy. Osy oraida mundai zańsyz árekettermen politsiia qalai kúresip jatqanyn surady.
«Shynynda da osyndai faktilerdi kezdestirip jatyrmyz. Ishki ister ministrligi QR Aqparat jáne qoǵamdyq damý ministrliginiń komitetimen birlese tanymal www.olx.kz. saitynda zańǵa qaishy kontenttiń taralýyna jol bermeý boiynsha tiisti qadamdar daiyndap otyr. Osy oraida Olx provaiderimen ózara is-qimyl jumystary júrgizildi. Atap aitqanda, kýrer qyzmeti jarnamasy boiynsha mátinde esirtki saittaryna jasalǵan 100-den astam siltemeni joidyq. Kiberbýlling máseleleri boiynsha zańnamalyq túzetýlerdi eskere otyryp, osy jumystyń aiasynda basqa da aqparat resýrstarymen tikelei bailanysty ornatý josparlanyp otyr», - dedi Asqar Muhametqaliev.
Bul turǵyda ol Telegram ókilderimen osy baǵytta tiimdi jumys isteý eskerilgenin aitty. Qazirgi kezde Telegram ákimshilerimen birlese 430 chatty buǵattaý máselesi pysyqtalyp jatyr.
