«Qazatomónerkásip» ulttyq kompaniiasynyń burynǵy basshysy, kásipker Muhtar Jákishevtiń qyzy Altynai Ulybritaniianyń astanasy Londonda neke qidyrdy, dep habarlaidy ult.kz.
Jas kelinshek bul qýanyshty jańalyǵyn áleýmettik jelidegi paraqshasynda bólisip, rásimniń qalai ótkenin sipattap jazdy. Onyń aitýynsha, neke qiiý rásimi 9 mamyr kúni London qalalyq ákimdiginde jaqyn týystarynyń qatysýymen ótken. Altynai sol kúni aýa raiy jańbyrly bolady degen boljamǵa qaramastan, aspan ashyq bolǵanyn atap ótip, bul kúndi óziniń resmi túrde jańa esimmen – «O.Djei hanym» atanǵan erekshe sáti retinde sipattaǵan.
Qazirgi ýaqytta ol Londonda turady jáne modeldik salamen ainalysady. 1999 jyly týǵan Altynai shetelde kásibi qyzmetin damytyp keledi.
Aita keteiik, onyń ákesi Muhtar Jákishev buǵan deiin qylmystyq is boiynsha 14 jylǵa sottalyp, shamamen 11 jylǵa jýyq ýaqytyn túrmede ótkizgen. 2020 jyly ol shartty túrde bostandyqqa shyqqan bolatyn.
Jákishevter áýletinde Altynaidan bólek taǵy tórt eresek bala jáne ótken jyly dúniege kelgen kenje qyzy bar.
