Almaty qalasynyń qylmystyq ister jónindegi mamandandyrylǵan aýdanaralyq soty «Bisen» atymen tanymal dizainer Sábit Syrahannyń ólimine kináli adamǵa qatysty úkim shyǵardy, dep habarlaidy "Ult aqparat".
Sot Saǵynysh Dúisenǵalievti QRQK 99-baby, 1-bóligi «Kisi óltirý» boiynsha kináli dep tanydy.
«Sot úkimimen S. Dúisenǵaliev 11 jyl 3 aiǵa bas bostandyǵynan aiyryldy. Sondai-aq, sottalaýshy qaza tapqan jigittiń otbasyna 10 mln teńge moraldyq zalal óteýge mindetti», - dep habarlady Sottyń baspasóz qyzmeti.
Buǵan deiin, prokýror aiyptalýshyny 12 jylǵa bas bostandyǵynan aiyrýdy suraǵan bolatyn.
Eske salaiyq, qazaqstandyq dizainer 2020 jyldyń kúzinde kisi qolynan qaza tapty. Aita keteiik, Sábit Bisen - tanymal streetwear-brendiniń dizaineri bolǵan.
Onyń qazasy týraly dostary men áriptesteri áleýmettik jelide habarlaǵan edi.
Úkim zańdy kúshine engen joq.
