الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى «Bisen» اتىمەن تانىمال ديزاينەر سەبيت سىراحاننىڭ ٶلٸمٸنە كٸنەلٸ ادامعا قاتىستى ٷكٸم شىعاردى, دەپ حابارلايدى "ۇلت اقپارات".
سوت ساعىنىش دٷيسەنعاليەۆتٸ قرقك 99-بابى, 1-بٶلٸگٸ «كٸسٸ ٶلتٸرۋ» بويىنشا كٸنەلٸ دەپ تانىدى.
«سوت ٷكٸمٸمەن س. دٷيسەنعاليەۆ 11 جىل 3 ايعا باس بوستاندىعىنان ايىرىلدى. سونداي-اق, سوتتالاۋشى قازا تاپقان جٸگٸتتٸڭ وتباسىنا 10 ملن تەڭگە مورالدىق زالال ٶتەۋگە مٸندەتتٸ», - دەپ حابارلادى سوتتىڭ باسپاسٶز قىزمەتٸ.
بۇعان دەيٸن, پروكۋرور ايىپتالۋشىنى 12 جىلعا باس بوستاندىعىنان ايىرۋدى سۇراعان بولاتىن.
ەسكە سالايىق, قازاقستاندىق ديزاينەر 2020 جىلدىڭ كٷزٸندە كٸسٸ قولىنان قازا تاپتى. ايتا كەتەيٸك, سەبيت Bisen - تانىمال streetwear-برەندٸنٸڭ ديزاينەرٸ بولعان.
ونىڭ قازاسى تۋرالى دوستارى مەن ەرٸپتەستەرٸ ەلەۋمەتتٸك جەلٸدە حابارلاعان ەدٸ.
ٷكٸم زاڭدى كٷشٸنە ەنگەن جوق.
