Tanymal aitysker aqyn Salaýat Isaqaev 44 jasynda qaitys boldy, dep habarlaidy "Ult aqparat" aitysker Balǵynbek Imashtyń áleýmettik jelidegi jazbasyna silteme jasap.
Aita keteiik, Salaýat Isaqaev - Atyraý oblysy Qulsary qalasynyń týmasy.
"Barsha aityssúier qaýymǵa qaraly xabar aitýǵa týra kelip tur. Alashtyń aqpa aqyndarynyń biri, 90-jyldary stýdent jastar arasynda ótken Respýblikalyq aqyndar aitysynda Bas báigeni jeńip alǵan úsh aqynnyń biri, Atyraýdyń aqtańgeri, Qulsarynyń bel balasy - Salaýat Isaqaev atty aǵa-dos, zamandasymyzdan aiyrylyp qaldyq. Allanyń buiryǵy jetip, dám-tuzy taýsylyp, amanatyn tapsyrǵan aqiyq aqynnyń ajalyna jol boiyndaǵy kóliktiń qaǵyp ketýi sebep bolǵan eken. Nebári 44 jyl jasaǵan Salaýattyń talai áńgimeleri, jyr-termeleri, ázil-ospaqtary, aitystaǵy aitqan aishyqty shýmaqtary esime túsip, janym kúizelip, tynysym tarylyp, júregim qan jylap otyr. Aqyn dosymyzdyń otbasyna, jubaiyna, balalaryna, jáne ónerin baǵalaityn barsha qaýymǵa qabyrǵamyz qaiysyp, qaiǵysyna ortaqtasyp kóńil aitamyn! Alla meiirimine alsyn, baqul bol, qymbatty Salaýat dos!", - dep jazady Balǵynbek Imash.
