Akter Almat Saqatov aitysker aqyn Maqsat Aqanovqa qatysty pikir bildirip, ony orynsyz synap, aýyr sózder aitýǵa bolmaitynyn aitty, dep habarlaidy ult.kz.
Óner iesi áleýmettik jelidegi paraqshasynda video jariialap, aqynnyń bir qateligi úshin ony jappai qaralaýdyń qajeti joq ekenin jetkizdi. Ol Maqsat Aqanovty qoldap, aqynǵa erkindik pen tentektik tán bolýy keregin atap ótti.
«Aqynǵa tiispeńder! Aqyn tentek bolýy kerek. Aqyn baýyrym bir súrinip edi, jalynan alyp jambasyna deiin jyrtyp jatyrsyzdar. Maqsat, sen súrindim dep oilama. Sen kimniń kim ekenin osy kúnderi bilip aldyń», – dedi Almat Saqatov.
Eske salaiyq, buǵan deiin áleýmettik jelide Maqsat Aqanovtyń aitys barysynda aitqan sózderi túsirilgen beinejazbalar taraǵan edi. Jazbalar kópshiliktiń nazaryn aýdaryp, aqynnyń sózine qatysty túrli pikirler aityldy.
