اكتەر المات ساقاتوۆ ايتىسكەر اقىن ماقسات اقانوۆقا قاتىستى پٸكٸر بٸلدٸرٸپ, ونى ورىنسىز سىناپ, اۋىر سٶزدەر ايتۋعا بولمايتىنىن ايتتى, دەپ حابارلايدى ult.kz.
ٶنەر يەسٸ ەلەۋمەتتٸك جەلٸدەگٸ پاراقشاسىندا ۆيدەو جارييالاپ, اقىننىڭ بٸر قاتەلٸگٸ ٷشٸن ونى جاپپاي قارالاۋدىڭ قاجەتٸ جوق ەكەنٸن جەتكٸزدٸ. ول ماقسات اقانوۆتى قولداپ, اقىنعا ەركٸندٸك پەن تەنتەكتٸك تەن بولۋى كەرەگٸن اتاپ ٶتتٸ.
«اقىنعا تيٸسپەڭدەر! اقىن تەنتەك بولۋى كەرەك. اقىن باۋىرىم بٸر سٷرٸنٸپ ەدٸ, جالىنان الىپ جامباسىنا دەيٸن جىرتىپ جاتىرسىزدار. ماقسات, سەن سٷرٸندٸم دەپ ويلاما. سەن كٸمنٸڭ كٸم ەكەنٸن وسى كٷندەرٸ بٸلٸپ الدىڭ», – دەدٸ المات ساقاتوۆ.
ەسكە سالايىق, بۇعان دەيٸن ەلەۋمەتتٸك جەلٸدە ماقسات اقانوۆتىڭ ايتىس بارىسىندا ايتقان سٶزدەرٸ تٷسٸرٸلگەن بەينەجازبالار تاراعان ەدٸ. جازبالار كٶپشٸلٸكتٸڭ نازارىن اۋدارىپ, اقىننىڭ سٶزٸنە قاتىستى تٷرلٸ پٸكٸرلەر ايتىلدى.
