Erteń Qurban ait. Tilegen duǵa-tilekterińiz qabyl bolsyn, ámin! Alaida osy qurbandyq shalý jóninde burynnan sanamyzda júrgen, maza bermei kele jatqan saýal-oilar bar edi. Sizdermen bólissem dep edim. Feisbýkte osy oilarǵa uqsas biraz posttardy da kózim shalyp qalǵan. Kim ekeni esimde joq, bir feisbýktes dos jyl saiyn jer júzinde qansha million bas mal soiylatynyn jazdy. Basqa eldi bylai qoiǵanda bizdiń elimizde júz myńdaǵan túlik baýyzdalady. Bul jalpyxalyqtyq psixozdyq aktten biz neni kóremiz? Birinshiden, adamizattyń áli de rýxani mesheldigin. Táńirge qan men et kerek dep oilap alǵan taiazdyǵyn. Ekinshiden, adam balasynyń meiirimsiz jaýyzdyǵyn. Qansha maldyń basyn domalatyp, qanyn sýsha aǵyzatyn adamzattyń bul qasaptyq sharasy - din atty eń biik hám tereń rýxani álem úshin jasalatyny tipti paradoks! Al, sol qurbandyqqa kesilgen maldy áleýmettik jelilerde mazaq qylý, bul endi naǵyz aiýandyq dep esepteimin! Osynyń ózi adamzattyń rýxani deńgeii áli de embriondyq jaǵdaida ekenin kórsetedi.
Qudyreti sheksiz, bilimi sheksiz (Ózi ári bilimdi jaratýshy), sipattary kórkem, meiirimdi, estet Táńiri-Qudai mundai jappai qasapshylyq jasaýdy talap etedi degen oidyń ózi kúlkili. Bárin maxabbatpen jaratqan Jasaǵan Iemiz gúldiń kúltesi úzilse, muńaiatyn bolar. Al, jylda bolyp jatatyn "jalańdaǵan pyshaq merekesin" unatyp, ony sonshalyq qajetsinedi degen oi miyma qansha qýalasam da kirmei-aq qoidy. Men din adamy emespin. Dinge ózgeris engizý oiymda da joq. Qurbandyq shalý - Shariǵat úkimi dep aitatyndaryńyzdy bilem. Ondaǵan xadis ia Qurannyń qasietti súrelerin de keltiresizder. Ol da belgili. Degenmen, mynandai oi oilap kórińiz: Ózi Kemel, Ózi Qudyretti Táńirge qoidyń, siyrdyń qany emes, adamzattyń rýxani kemeldengeni kerek. 21 ǵasyrda ómir súrip jatyrmyz. Ǵylym-bilim igerdik, tabiǵat stixiialaryn baǵyndyrdyq, jańa texnologiialardy, ádebiet, ónerdi dúniege ákeldik. Biraq, qurbandyq shalýǵa kelgende áli de qarańǵy zamannyń adamdary siiaqtymyz. Gýmanizm - adam men adamnyń arasyndaǵy biik adamgershilik sezim emes, ol sonymen qatar ósimdik, jan-janýarlar álemine de qatysty. Búgin tamasha oi aityp, pálsapa soǵyp turǵan keipińizben erteń sasyǵan qan men jynnyń ortasynda kózderi móligen maldy súirep bara jatqan beineńiz ái, esh úilespeidi ǵoi. Odan da tal egý, jarly-jaqybaiǵa kómek berý siiaqty Táńiri razy bolatyn talai izgi dúnielerdi jasaýǵa bolady ǵoi. Sanany Qudai oilaný úshin berdi. Oilanaiyq.
Aqberen Elgezektiń feisbýktaǵy jazbasynan
