Astanada mas kúiinde kólik júrgizgen 43 jastaǵy áiel ustaldy. Ol merekelik otyrystan keiin kólik tizginine otyrǵan, dep habarlaidy ult.kz.
Oqiǵa tańǵy saǵat 05:00 shamasynda Qorǵaljyn tasjolynda bolǵan. Patrýldik politsiia qyzmetkerleri Chery avtokóligin toqtatyp, júrgizýshiniń alkogoldik masań kúide bolǵanyn anyqtady.
Politsiia málimetinshe, áiel qonaqtan qaityp kele jatqan. Oǵan qatysty QR Ákimshilik quqyq buzýshylyq týraly kodeksiniń 608-babynyń 1-bóligi boiynsha ákimshilik hattama toltyryldy.
Sot sheshimimen elorda turǵyny 7 jyl merzimge kólik quraldaryn basqarý quqyǵynan aiyryldy.
Jalpy, ótken demalys kúnderi Astanada politsiia mas kúiinde kólik basqarǵan 26 júrgizýshini anyqtaǵan.
Qalalyq politsiia departamenti mas kúiinde rólge otyrý jol-kólik oqiǵasyna ákelip, júrgizýshiniń ǵana emes, ózge de adamdardyń ómiri men densaýlyǵyna qaýip tóndiretinin eskertti. Vedomstvo mundai quqyq buzýshylyqtardyń aldyn alý boiynsha reidtik jáne profilaktikalyq jumystardy jalǵastyratynyn málimdedi.
