استانادا ماس كٷيٸندە كٶلٸك جٷرگٸزگەن 43 جاستاعى ەيەل ۇستالدى. ول مەرەكەلٸك وتىرىستان كەيٸن كٶلٸك تٸزگٸنٸنە وتىرعان, دەپ حابارلايدى ult.kz.
وقيعا تاڭعى ساعات 05:00 شاماسىندا قورعالجىن تاسجولىندا بولعان. پاترۋلدٸك پوليتسييا قىزمەتكەرلەرٸ Chery اۆتوكٶلٸگٸن توقتاتىپ, جٷرگٸزۋشٸنٸڭ الكوگولدٸك ماساڭ كٷيدە بولعانىن انىقتادى.
پوليتسييا مەلٸمەتٸنشە, ەيەل قوناقتان قايتىپ كەلە جاتقان. وعان قاتىستى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 608-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلدى.
سوت شەشٸمٸمەن ەلوردا تۇرعىنى 7 جىل مەرزٸمگە كٶلٸك قۇرالدارىن باسقارۋ قۇقىعىنان ايىرىلدى.
جالپى, ٶتكەن دەمالىس كٷندەرٸ استانادا پوليتسييا ماس كٷيٸندە كٶلٸك باسقارعان 26 جٷرگٸزۋشٸنٸ انىقتاعان.
قالالىق پوليتسييا دەپارتامەنتٸ ماس كٷيٸندە رٶلگە وتىرۋ جول-كٶلٸك وقيعاسىنا ەكەلٸپ, جٷرگٸزۋشٸنٸڭ عانا ەمەس, ٶزگە دە ادامداردىڭ ٶمٸرٸ مەن دەنساۋلىعىنا قاۋٸپ تٶندٸرەتٸنٸن ەسكەرتتٸ. ۆەدومستۆو مۇنداي قۇقىق بۇزۋشىلىقتاردىڭ الدىن الۋ بويىنشا رەيدتٸك جەنە پروفيلاكتيكالىق جۇمىستاردى جالعاستىراتىنىن مەلٸمدەدٸ.
