WBA (Super), IBO, WBC jáne IBF tujyrymdary boiynsha orta salmaqtaǵy qazaqstandyq boksshy Gennadii Golovkin "Kanelomen" qyrkúiekte judyryqtasý úshin Sonderspen maýsymda ótetin jekpe-jeginen bas tartty, - dep habarlaidy Vesti.kz derekkózderge silteme jasap.
Basylymnyń málimetinshe, Golovkinniń komandasy orta salmaqtaǵy WBO belbeýiniń iegeri Sonderspen kelissózder júrgizgen. Olardyń jekpe-jegi Qazaqstanda 10 maýsymǵa belgilengen bolatyn. Alaida kóptegen derekkózdegi málimetterge súiensek, Golovkin qyrkúiek aiynda meksikalyq boksshymen ótetin jekpe-jek úshin maýsymdaǵy kezdesýden bas tartyp otyr. Taraptar qazirgi ýaqytta kelissózder júrgizip jatyr.
Aita keteiik, osyǵan deiin Sonderstiń promoýteri Frenk Ýorren kelissózderdiń sozylyp ketýin Golovkinniń jaraqat alýymen bailanystyrǵan edi. Alaida qazaqstandyqtyń bapkeri Abel Sanches bul málimetti joqqa shyǵarǵan bolatyn.
Al "Kanelonyń" promoýteri Oskar De La Hoiia bolsa, Golovkinniń maýsymda jekpe-jek ótkizý týraly josparyn qoldamaitynyn birneshe ret málimdegen edi. Promoýterdiń aitýynsha, Golovkin maýsymda ótetin kezdesýde jaraqat alyp qalyp, qyrkúiekte meksikalyqpen judyryqtasa almai qalýy múmkin.
