Foto: Ozgeris.info
Ánshi Qaraqat Ábildina ónerdegi dostary Tursynbek Qabatov pen Móldir Muqannyń ara-qatynasyna bailanysty pikir bildirip, jelidegi paraqshasynda jazba jariialady, dep habarlaidy Ult.kz.
"Neshe kún boiy jurttyń bári jarysa jazyp jatqan podkastty men de alǵashqylardyń biri bolyp kórdim. Móldirdiń jan syryn tyńdap, jylap ta aldym. Jaqsy tanityn, tórinde otyryp, qurmetin kórgen, baqytty sátteriniń kýási bolǵan otbasynyń shańyraǵy shaiqalǵany ońai timei tur.
Birinshi kúni emotsiiaǵa berilip post jazbaǵanym da sodan. Birin dattap, birin aqtaý emes meniń maqsatym. Ekeýin de jaqsy kóretin jandar retinde, máseleniń basy shyǵyp, el dúrlige bastaǵanda bir kóilek erte tozdyrǵan apaiy ári janashyry retinde “aqylǵa kelińder” dep toqtaý aitqanym bar. Tanymal adamdar bolǵan soń, halyqtyń qyraǵy kózi bárin baiqaidy. Biraq osynshalyqty ýshyǵyp ketedi dep oilamaǵan edik. ⠀
Bundai jaǵdai qoǵamda jii kezdesedi. Sonda deimin, bireýdiń airandai uiyp otyrǵan otbasyn oiran etetin qatyndar ne oilaidy eken?! Basqanyń baqytyn urlap, ózi baqytty bolam deý naǵyz adasqandyq! Tana kózin súzbese, buqa jibin úzbeidi. Sen kezdesip júrgen, «súiem», «saǵyndym» deitin erkek bireýdiń ómirlik jary, bir úidiń tiregi, bir balanyń asqar taý ákesi. ⠀
Sol baqytty tartyp alyp, ne kútesiń? Baqyt pa? Joq! Baqyt eshqashan bireýdiń kóz jasynan, qarǵysynan, obalynan quralmaidy! Naǵyz baqyt adal jolmen, armen, uiatpen, saýappen keledi! Esińdi ji! Kóz jasy jibermeidi, Allanyń qaharyna ushyrap qalma, bireýdiń otyn óshirem dep, ózińniń de shyraǵyńdy sóndirip alma! Kópke topyraq shashýdan aýlaqpyn, degenmen áieliniń qadirine jete almai júrgen er adamdarǵa da aitatyn sóz bar: Sizdiń abyroiyńyz úshin jastyq shaǵyn, búkil ómirin sarp etken, ystyǵyna da, sýyǵyna da kóngen, uiasyn qyzǵyshtai qorǵap, otbasyn saqtap qalý úshin sońyna deiin baratyn áielderińizdi qurmettep, baǵalańyzdar! ⠀
Ómirde túrli jaǵdai bolady. Kim qatelespeidi, jańylmaityn jaq, súrinbeitin tuiaq joq deidi. Oilanýǵa ýaqyt kerek shyǵar. Qudai qalasa osy aýyr synaqtan da aman-esen shyǵyp, otbasynyń sol baiyrǵy ádemi kúige keletininen úmit úzbeiik. Tilektespiz. Kópke úlgi otbasynyń biri edi, bálkim, til-kóz tigen shyǵar. Sondyqtan da ýshyqtyrýdyń, ony odan saiyn údetip qaita-qaita jazýdyń esh qajeti joq. ⠀
Biz - tekti eldiń urpaǵymyz. Otbasy biz úshin kieli uǵym. Allanyń atymen qurylǵan aq nekeni buzýǵa eshkimniń haqysy joq. Eshkimdi túzý joldan adastyrmasyn!", - dep jazdy óner iesi.
Alaida oqyrmandar áieldi kinálai berý de durys emes dep pikir bildirýde.
"Bul jerde til kóz tidi dep erkekti aqtap alý durys emes. Tana kózin súzbese degen maqal da júrmeidi. Bul jerde saýatsyz nadan erkek jaily. Nápsisin tyia almaǵan erkek jaily. On meshit salsa da kúnásin jýyp shaia almaidy".
"Jalpy óner adamdary mádeniettiń emes, mádenietsizdiktiń kórinisin kórsetip júrsizder, bul tek bir Tursynbektiń jaǵdaiy emes, sizderdiń el aǵasy dep silap, qurmettep júrgen, atyn aitpasam da ekiniń biri biledi jyl saiyn neshe túrli jas qatynymen Tursynbektiń kontsertiniń aldynda otyrady. Odan qalsa barlyq ánshilerdiń ónerdegi ákemiz dep kókke kóterip júrgen bir kókeleriń toje atyn aitpasam da biledi. Ol kisi de kezinde jap jas qyzdy alyp alǵan, semiasy bolsa da. Sizder óner adamdary bundailarǵa kózderińiz kórip, qulaqtaryńyz estip júrgen soń etterińiz úirenip ketken. Bul jerde erkek kináli dep nege ashyp aitpaisyzdar, nápsiqumarlyq sol baiaǵy, qalai shyr ainaldyrsańyzdar da aqtalmaidy".
