فوتو: Ozgeris.info
ەنشٸ قاراقات ەبٸلدينا ٶنەردەگٸ دوستارى تۇرسىنبەك قاباتوۆ پەن مٶلدٸر مۇقاننىڭ ارا-قاتىناسىنا بايلانىستى پٸكٸر بٸلدٸرٸپ, جەلٸدەگٸ پاراقشاسىندا جازبا جارييالادى, دەپ حابارلايدى Ult.kz.
"نەشە كٷن بويى جۇرتتىڭ بەرٸ جارىسا جازىپ جاتقان پودكاستتى مەن دە العاشقىلاردىڭ بٸرٸ بولىپ كٶردٸم. مٶلدٸردٸڭ جان سىرىن تىڭداپ, جىلاپ تا الدىم. جاقسى تانيتىن, تٶرٸندە وتىرىپ, قۇرمەتٸن كٶرگەن, باقىتتى سەتتەرٸنٸڭ كۋەسٸ بولعان وتباسىنىڭ شاڭىراعى شايقالعانى وڭاي تيمەي تۇر.
بٸرٸنشٸ كٷنٸ ەموتسيياعا بەرٸلٸپ پوست جازباعانىم دا سودان. بٸرٸن داتتاپ, بٸرٸن اقتاۋ ەمەس مەنٸڭ ماقساتىم. ەكەۋٸن دە جاقسى كٶرەتٸن جاندار رەتٸندە, مەسەلەنٸڭ باسى شىعىپ, ەل دٷرلٸگە باستاعاندا بٸر كٶيلەك ەرتە توزدىرعان اپايى ەرٸ جاناشىرى رەتٸندە “اقىلعا كەلٸڭدەر” دەپ توقتاۋ ايتقانىم بار. تانىمال ادامدار بولعان سوڭ, حالىقتىڭ قىراعى كٶزٸ بەرٸن بايقايدى. بٸراق وسىنشالىقتى ۋشىعىپ كەتەدٸ دەپ ويلاماعان ەدٸك. ⠀
بۇنداي جاعداي قوعامدا جيٸ كەزدەسەدٸ. سوندا دەيمٸن, بٸرەۋدٸڭ ايرانداي ۇيىپ وتىرعان وتباسىن ويران ەتەتٸن قاتىندار نە ويلايدى ەكەن?! باسقانىڭ باقىتىن ۇرلاپ, ٶزٸ باقىتتى بولام دەۋ ناعىز اداسقاندىق! تانا كٶزٸن سٷزبەسە, بۇقا جٸبٸن ٷزبەيدٸ. سەن كەزدەسٸپ جٷرگەن, «سٷيەم», «ساعىندىم» دەيتٸن ەركەك بٸرەۋدٸڭ ٶمٸرلٸك جارى, بٸر ٷيدٸڭ تٸرەگٸ, بٸر بالانىڭ اسقار تاۋ ەكەسٸ. ⠀
سول باقىتتى تارتىپ الىپ, نە كٷتەسٸڭ? باقىت پا? جوق! باقىت ەشقاشان بٸرەۋدٸڭ كٶز جاسىنان, قارعىسىنان, وبالىنان قۇرالمايدى! ناعىز باقىت ادال جولمەن, ارمەن, ۇياتپەن, ساۋاپپەن كەلەدٸ! ەسٸڭدٸ جي! كٶز جاسى جٸبەرمەيدٸ, اللانىڭ قاھارىنا ۇشىراپ قالما, بٸرەۋدٸڭ وتىن ٶشٸرەم دەپ, ٶزٸڭنٸڭ دە شىراعىڭدى سٶندٸرٸپ الما! كٶپكە توپىراق شاشۋدان اۋلاقپىن, دەگەنمەن ەيەلٸنٸڭ قادٸرٸنە جەتە الماي جٷرگەن ەر ادامدارعا دا ايتاتىن سٶز بار: سٸزدٸڭ ابىرويىڭىز ٷشٸن جاستىق شاعىن, بٷكٸل ٶمٸرٸن سارپ ەتكەن, ىستىعىنا دا, سۋىعىنا دا كٶنگەن, ۇياسىن قىزعىشتاي قورعاپ, وتباسىن ساقتاپ قالۋ ٷشٸن سوڭىنا دەيٸن باراتىن ەيەلدەرٸڭٸزدٸ قۇرمەتتەپ, باعالاڭىزدار! ⠀
ٶمٸردە تٷرلٸ جاعداي بولادى. كٸم قاتەلەسپەيدٸ, جاڭىلمايتىن جاق, سٷرٸنبەيتٸن تۇياق جوق دەيدٸ. ويلانۋعا ۋاقىت كەرەك شىعار. قۇداي قالاسا وسى اۋىر سىناقتان دا امان-ەسەن شىعىپ, وتباسىنىڭ سول بايىرعى ەدەمٸ كٷيگە كەلەتٸنٸنەن ٷمٸت ٷزبەيٸك. تٸلەكتەسپٸز. كٶپكە ٷلگٸ وتباسىنىڭ بٸرٸ ەدٸ, بەلكٸم, تٸل-كٶز تيگەن شىعار. سوندىقتان دا ۋشىقتىرۋدىڭ, ونى ودان سايىن ٷدەتٸپ قايتا-قايتا جازۋدىڭ ەش قاجەتٸ جوق. ⠀
بٸز - تەكتٸ ەلدٸڭ ۇرپاعىمىز. وتباسى بٸز ٷشٸن كيەلٸ ۇعىم. اللانىڭ اتىمەن قۇرىلعان اق نەكەنٸ بۇزۋعا ەشكٸمنٸڭ حاقىسى جوق. ەشكٸمدٸ تٷزۋ جولدان اداستىرماسىن!", - دەپ جازدى ٶنەر يەسٸ.
الايدا وقىرماندار ەيەلدٸ كٸنەلاي بەرۋ دە دۇرىس ەمەس دەپ پٸكٸر بٸلدٸرۋدە.
"بۇل جەردە تٸل كٶز تيدٸ دەپ ەركەكتٸ اقتاپ الۋ دۇرىس ەمەس. تانا كٶزٸن سٷزبەسە دەگەن ماقال دا جٷرمەيدٸ. بۇل جەردە ساۋاتسىز نادان ەركەك جايلى. نەپسٸسٸن تىيا الماعان ەركەك جايلى. ون مەشٸت سالسا دا كٷنەسٸن جۋىپ شايا المايدى".
"جالپى ٶنەر ادامدارى مەدەنيەتتٸڭ ەمەس, مەدەنيەتسٸزدٸكتٸڭ كٶرٸنٸسٸن كٶرسەتٸپ جٷرسٸزدەر, بۇل تەك بٸر تۇرسىنبەكتٸڭ جاعدايى ەمەس, سٸزدەردٸڭ ەل اعاسى دەپ سيلاپ, قۇرمەتتەپ جٷرگەن, اتىن ايتپاسام دا ەكٸنٸڭ بٸرٸ بٸلەدٸ جىل سايىن نەشە تٷرلٸ جاس قاتىنىمەن تۇرسىنبەكتٸڭ كونتسەرتٸنٸڭ الدىندا وتىرادى. ودان قالسا بارلىق ەنشٸلەردٸڭ ٶنەردەگٸ ەكەمٸز دەپ كٶككە كٶتەرٸپ جٷرگەن بٸر كٶكەلەرٸڭ توجە اتىن ايتپاسام دا بٸلەدٸ. ول كٸسٸ دە كەزٸندە جاپ جاس قىزدى الىپ العان, سەمياسى بولسا دا. سٸزدەر ٶنەر ادامدارى بۇندايلارعا كٶزدەرٸڭٸز كٶرٸپ, قۇلاقتارىڭىز ەستٸپ جٷرگەن سوڭ ەتتەرٸڭٸز ٷيرەنٸپ كەتكەن. بۇل جەردە ەركەك كٸنەلٸ دەپ نەگە اشىپ ايتپايسىزدار, نەپسٸقۇمارلىق سول باياعى, قالاي شىر اينالدىرساڭىزدار دا اقتالمايدى".
