Astanadaǵy muǵalimderdiń bári «Qashyqtan oqytýdy úirenemin» atty onlain-kýrstan ótedi. Bul týraly Nur-Sultan bilim basqarmasynyń basshysy Sholpan Qadyrova málim etti, dep habarlaidy QazAqparat.
«Tamyz aiynan bastap 9958 (100%) bilim uiymynyń pedagogtary Nazarbaev Ziiatkerlik mektepteriniń «Pedagogikalyq sheberlik ortalyǵy» ázirlegen «Qashyqtan oqytýdy úirenemin» atty onlain-kýrsty oqidy», - dedi Sholpan Qadyrova qala ákimdiginiń Facebook paraqshasynda ótken baspasóz máslihatynda.
Kýrs 5 modýlden turady. («qashyqtan oqytý erekshelikteri», «oqýǵa tartý», «aqparattyq-tehnikalyq quraldar», «kásibi yntymaqtastyq» jáne «ata-analardy pedagogikalyq qoldaý»). Kýrs uzaqtyǵy – 40 akademiialyq saǵat. Ótkizý formaty – asinhrondy. Bul tyńdaýshylarǵa óz betinshe oqýdyń ýaqyty men qarqynyn tańdaýǵa múmkindik beredi.
Kýrstar Stepik bilim platformasynda ótedi.
«Onlain-kýrstyń ár taqyryby muǵalimderdiń óz betinshe zerdeleýi úshin ózekti materialdar men resýrstardy qamtidy. Pedagogtar kýrsta qashyqtan oqytýdyń erekshelikteri men túrlerin zerttep, onlain sabaqtardyń oqý úderisin josparlaýdy, oqý jetistikterin baǵalaýdy úirenedi», - dedi basqarma basshysy.
Sonymen qatar, Nur-Sultan qalasynyń bilim berýdi jańǵyrtý ortalyǵy tamyz aiynyń birinshi jáne ekinshi aptasynda «Tsifrlyq pedagogika: oqytý jáne tájiribe» taqyrybynda onlain-oqytý ótkizýdi josparlap otyr. Bul oqytýmen 12 480 (100%) pedagog qamtylady.
