استاناداعى مۇعالٸمدەردٸڭ بەرٸ «قاشىقتان وقىتۋدى ٷيرەنەمٸن» اتتى ونلاين-كۋرستان ٶتەدٸ. بۇل تۋرالى نۇر-سۇلتان بٸلٸم باسقارماسىنىڭ باسشىسى شولپان قادىروۆا مەلٸم ەتتٸ, دەپ حابارلايدى قازاقپارات.
«تامىز ايىنان باستاپ 9958 (100%) بٸلٸم ۇيىمىنىڭ پەداگوگتارى نازارباەۆ زيياتكەرلٸك مەكتەپتەرٸنٸڭ «پەداگوگيكالىق شەبەرلٸك ورتالىعى» ەزٸرلەگەن «قاشىقتان وقىتۋدى ٷيرەنەمٸن» اتتى ونلاين-كۋرستى وقيدى», - دەدٸ شولپان قادىروۆا قالا ەكٸمدٸگٸنٸڭ Facebook پاراقشاسىندا ٶتكەن باسپاسٶز مەسليحاتىندا.
كۋرس 5 مودۋلدەن تۇرادى. («قاشىقتان وقىتۋ ەرەكشەلٸكتەرٸ», «وقۋعا تارتۋ», «اقپاراتتىق-تەحنيكالىق قۇرالدار», «كەسٸبي ىنتىماقتاستىق» جەنە «اتا-انالاردى پەداگوگيكالىق قولداۋ»). كۋرس ۇزاقتىعى – 40 اكادەمييالىق ساعات. ٶتكٸزۋ فورماتى – اسينحروندى. بۇل تىڭداۋشىلارعا ٶز بەتٸنشە وقۋدىڭ ۋاقىتى مەن قارقىنىن تاڭداۋعا مٷمكٸندٸك بەرەدٸ.
كۋرستار Stepik بٸلٸم پلاتفورماسىندا ٶتەدٸ.
«ونلاين-كۋرستىڭ ەر تاقىرىبى مۇعالٸمدەردٸڭ ٶز بەتٸنشە زەردەلەۋٸ ٷشٸن ٶزەكتٸ ماتەريالدار مەن رەسۋرستاردى قامتيدى. پەداگوگتار كۋرستا قاشىقتان وقىتۋدىڭ ەرەكشەلٸكتەرٸ مەن تٷرلەرٸن زەرتتەپ, ونلاين ساباقتاردىڭ وقۋ ٷدەرٸسٸن جوسپارلاۋدى, وقۋ جەتٸستٸكتەرٸن باعالاۋدى ٷيرەنەدٸ», - دەدٸ باسقارما باسشىسى.
سونىمەن قاتار, نۇر-سۇلتان قالاسىنىڭ بٸلٸم بەرۋدٸ جاڭعىرتۋ ورتالىعى تامىز ايىنىڭ بٸرٸنشٸ جەنە ەكٸنشٸ اپتاسىندا «تسيفرلىق پەداگوگيكا: وقىتۋ جەنە تەجٸريبە» تاقىرىبىندا ونلاين-وقىتۋ ٶتكٸزۋدٸ جوسپارلاپ وتىر. بۇل وقىتۋمەن 12 480 (100%) پەداگوگ قامتىلادى.
