Tamyz aiyndaǵy Ulttyq biryńǵai testileýge 27 myńnan astam talapker qatysty. Olardyń 53 paiyzy shekti ball jinaǵan, dep habarlaidy ult.kz.
Ǵylym jáne joǵary bilim ministrliginiń málimetinshe, bes pán boiynsha ortasha nátije 55 baldy qurady. Al eń joǵary kórsetkish – 136 ball. Testileýge erekshe bilim berý qajettilikteri bar 98 talapker de qatysqan.
UBT barysynda jalpy 66 ereje buzýshylyq anyqtalǵan. Onyń ishinde 30 talapker smartfon, shpargalka jáne basqa da tyiym salynǵan zattardy alyp kirýge áreket jasaǵany úshin testileýge jiberilmegen. Al testileý kezinde tártip buzǵan taǵy 36 adam aýditoriiadan shyǵarylǵan. Bógde tulǵalardyń qatysý faktisi anyqtalmaǵan.
Ministrlik 2026 jylǵy UBT aiaqtalǵannan keiin de baqylaý jalǵasatynyn eskertti. Kúntizbelik jyldyń 31 qazanyna deiin testileý barysyndaǵy beinejazbalar tolyq taldanady. Eger tyiym salynǵan zattardy paidalaný nemese basqa da ereje buzýshylyqtar anyqtalsa, talapkerdiń UBT nátijesi joiylady.
Sonymen qatar óz mamandyǵy boiynsha joǵary oqý ornynda aqyly negizde oqýyn jalǵastyrǵysy keletin kolledj túlekteri áńgimelesý nátijesi boiynsha ýniversitetke túse alady. Mundai talapkerlerdi qabyldaýdy joǵary oqý oryndarynyń qabyldaý komissiialary júzege asyrady.
