تامىز ايىنداعى ۇلتتىق بٸرىڭعاي تەستٸلەۋگە 27 مىڭنان استام تالاپكەر قاتىستى. ولاردىڭ 53 پايىزى شەكتٸ بالل جيناعان, دەپ حابارلايدى ult.kz.
عىلىم جەنە جوعارى بٸلٸم مينيسترلٸگٸنٸڭ مەلٸمەتٸنشە, بەس پەن بويىنشا ورتاشا نەتيجە 55 بالدى قۇرادى. ال ەڭ جوعارى كٶرسەتكٸش – 136 بالل. تەستٸلەۋگە ەرەكشە بٸلٸم بەرۋ قاجەتتٸلٸكتەرٸ بار 98 تالاپكەر دە قاتىسقان.
ۇبت بارىسىندا جالپى 66 ەرەجە بۇزۋشىلىق انىقتالعان. ونىڭ ٸشٸندە 30 تالاپكەر سمارتفون, شپارگالكا جەنە باسقا دا تىيىم سالىنعان زاتتاردى الىپ كٸرۋگە ەرەكەت جاساعانى ٷشٸن تەستٸلەۋگە جٸبەرٸلمەگەن. ال تەستٸلەۋ كەزٸندە تەرتٸپ بۇزعان تاعى 36 ادام اۋديتورييادان شىعارىلعان. بٶگدە تۇلعالاردىڭ قاتىسۋ فاكتٸسٸ انىقتالماعان.
مينيسترلٸك 2026 جىلعى ۇبت اياقتالعاننان كەيٸن دە باقىلاۋ جالعاساتىنىن ەسكەرتتٸ. كٷنتٸزبەلٸك جىلدىڭ 31 قازانىنا دەيٸن تەستٸلەۋ بارىسىنداعى بەينەجازبالار تولىق تالدانادى. ەگەر تىيىم سالىنعان زاتتاردى پايدالانۋ نەمەسە باسقا دا ەرەجە بۇزۋشىلىقتار انىقتالسا, تالاپكەردٸڭ ۇبت نەتيجەسٸ جويىلادى.
سونىمەن قاتار ٶز ماماندىعى بويىنشا جوعارى وقۋ ورنىندا اقىلى نەگٸزدە وقۋىن جالعاستىرعىسى كەلەتٸن كوللەدج تٷلەكتەرٸ ەڭگٸمەلەسۋ نەتيجەسٸ بويىنشا ۋنيۆەرسيتەتكە تٷسە الادى. مۇنداي تالاپكەرلەردٸ قابىلداۋدى جوعارى وقۋ ورىندارىنىڭ قابىلداۋ كوميسسييالارى جٷزەگە اسىرادى.
