«Nur Otan» partiiasy jumysyn jańǵyrtý maqsatynda júzege asyryp jatqan jańa 22 joba qazaqstandyqtardyń ómiri men turmysyn jaqsartýy tiis. Bul týraly partiia Hatshysy Tamara Dúisenova Aqtóbe qalasynda ótip jatqan «Bastaýysh partiia uiymdarynyń» sońǵy aimaqtyq forýmynda aitty.
Aqtóbedegi alqaly jiynda Mańǵystaý, Atyraý, Batys Qazaqstan jáne Aqtóbe oblystarynan jinalǵan 200-den astam partiialyqtar bastaýysh partiia uiymdarynyń qyzmetin jandandyrýǵa arnalǵan tujyrymdama jobasyn talqylady.
Forým barysynda partiia músheleri partiianyń barlyq qyzmetin tsifrlandyrýǵa, partiia músheleriniń biryńǵai bazasyn quryp, qujat ainalymyn qysqartýǵa jáne partiia qyzmetiniń tiimdiligin arttyrýǵa baǵyttalǵan «Sandyq partiia» jobasymen tanysty.
- Elbasy, partiia tóraǵasy Nursultan Ábishuly Nazarbaev partiiamyzdyń túrlený jóninde jańǵyrý máselesin qoiǵan bolatyn. Sondyqtan bizdiń búgingi kezdesýimiz partiiamyzdyń júieli jańǵyrýyna bailanysty bolyp otyr. Jańa jobalar – birkúndik aktsiia nemese keńselik sharalar emes, partiia músheleriniń eńbegi, nátijesinde qazaqstandyqtardyń ómiri men turmysy jaqsarýy tiis, - dep atap ótti «Nur Otan» partiiasynyń Hatshysy Tamara Dúisenova.
Búginde Elbasy partiiasy tsifrlandyrý, Rýhani jańǵyrtý, shaǵyn jáne orta biznesti damytý, kásibi kadrlyq rezervti qalyptastyrýǵa baǵyttalǵan jobalardy júzege asyrýdy qolǵa alǵan.
Jobalar shartty túrde ishki jáne syrtqy jobalarǵa bólingen. Ishki jobalar Partiianyń jumysyn jandandyrýǵa arnalǵan jobalar, biznes protsessterdi ońtailandyrýǵa baǵyttalǵan. Mysaly, Tsifrlyq partiia, kadrlik rezerv jáne t.b. jobalar. Syrtqy jobalar qoǵamǵa kómek berýge arnalǵan. solardyń qatarynda «Balalarǵa arnalǵan tegin IT-synyptar» jobasy sheńberinde 8-16 jas aralyǵyndaǵy balalardy baǵdarlamalaý jáne robototehnikany fakýltativti tereńdetip oqytý uiymdastyrylady. Osy joba Rýhani Jańǵyrýdyń «Týǵan jer» baǵdarlamasy aiasynda iske asyrylýda. Jalpy 2020 jylǵa deiin tegin 1000 IT-synyptar ashylady dep josparlanǵan.
Tsifrlandyrý boiynsha ekinshi joba - «IT mamandaryn oqytý» aqparattyq tehnologiialar salasynda bilikti mamandar pýlyn qalyptastyrýǵa baǵyttalǵan. Joba 2020 jylǵa deiin qazaqstandyq IT-kompaniialar men aimaqtyq ýniversitetter bazasynda 20 IT-ortalyqtarynyń ashylýyn kózdeidi, bul jylyna shamamen 35 myń adamdy, sonyń ishinde jumyssyzdar men ózin-ózi jumyspen qamtyǵan jastardy oqytýǵa múmkindik beredi. IT-túlekterin jumysqa ornalastyrýǵa «Atameken» kásipkerler palatasy tarapynan kómek bolady.
Biznes – ulttyq ekonomikanyń qozǵaýshy kúshi. Sondyqtan Partiia osy jumysty kúsheitý úshin, biznesti damytýǵa arnalǵan jobalardy qolǵa alýda.
Adamdar kóbinese partiianyń filialdaryna kelip, kommertsiialyq maqsatta jer týraly aqparattyń ashyq emestigine, ruqsat alý ýaqytynyń birneshe aiǵa sozylý faktilerine jii shaǵymdanady. «Biznestiń geoaqparattyq onlain – servisi» partiialyq jobasy osy máselelerdi sheshýge baǵyttalǵan. Bul servis - bizneske qajetti aqparatty bir jerden alýǵa múmkindik beredi. Mysaly bos turǵan jer ýchaskeleri, aýktsiondar jáne olarǵa qoiylatyn talaptardy bir ǵana aqparat kózinen ala alady. «Nur Otan» osy jumysty qoǵamdyq baqylaýda ustaidy, Úkimetpen birlesip birikken onlain júie qurý jolynda.
.jpeg)