Taldyqorǵan qalasynda vaktsinatsiiadan keiin esinen tańyp qaldy delingen medbike videoúndeý jariialady, dep habarlaidy "Ult aqparat".
«Oblystyq aýrýhananyń infektsiialyq bóliminiń medbikesimin. Keshe №2 emhanaǵa COVID -19-ǵa qarsy vaktsina alýǵa bardyq. Vaktsina alar aldynda ýaiymdaǵannan keiin júregimniń soǵysy qatty bolyp, sol jerde maǵan alǵashqy kómek kórsetildi. Alǵashqy kómek kórsetilgennen keiin jaǵdaiym jaqsaryp úige qaittym. Al Instagram-jelisinde meni «sol jerde talyp qalypty», meni «jansaqtaý bólimine alyp ketipti» degen aqparattyń bári jalǵan ekendigin aitqym keledi», - dedi video avtory.
Sondai-aq, medbike beinejazbada óziniń jumysta otyrǵanyn jáne jaǵdaiy jaqsy ekenin jetkizedi.
«Úsh aptadan keiin kelesi vaktsinamdy alýǵa daiynmyn», - deidi ol.
Aita keteiik, buǵan deiin áleýmettik jelide Taldyqorǵanda vaktsina alǵan medbikeniń esinen tańyp qalǵandyǵy jóninde aqparat jariialanǵan bolatyn.
Al Almaty oblystyq Densaýlyq saqtaý basqarmasy baspasóz qyzmetiniń hatshysy Láilim Áýbákirova turǵyndardan tek resmi derekterdiń aqparatyna júginýge shaqyrdy.
