Aýǵan ushqyshtary men bosqyndar mingen ushaq 10 qarashada Dýshanbeden ushyp ketti. Osyǵan deiin AQSh-tyń Tájikstandaǵy elshiligi 191 aýǵan azamatynyń (arasynda 143 ushqysh bar) AQSh-qa qonystanýǵa daiyn ekenin habarlaǵan. Olar Tájikstanda úsh ai turǵan, dep jazady Azattyq.
AQSh úkimeti uiymdastyrǵan reis Dýshanbeden 10 qarashada jergilikti ýaqyt boiynsha túngi saǵat 12.30-da ushyp shyqqan. Ushqyshtar men AQSh-tyń Tájikstandaǵy elshiligi ókilderiniń sózine qaraǵanda, reis 10 qarashada nemese aldaǵy kúnderi dittegen orynǵa jetýi múmkin.
Ushqyshtar arasynda eki áiel bar, biriniń aiaǵy aýyr. "AQSh elshiligi olardy Tájikstannan tezirek alyp ketýge kúsh salyp jatyr" degen edi buǵan deiin elshilik ókilderi.
Tamyz aiynda tálipter Kabýldy basyp alǵan kezde aýǵan áýe kúshteriniń ushqyshtary áskeri ushaqpen Tájikstanǵa qashqan. AQSh-ta daiyndyqtan ótken aǵylshynsha sóileitin ushqyshtar qujattary daiyn bolǵansha osy ýaqyt boiy Dýshanbe mańyndaǵy shipajaidy panalaǵap kelgen edi.
