Aýǵanstanda úsh aidan astam ýaqyt buryn bilikti basyp alǵan "Taliban" qozǵalysy (Qazaqstanda jáne basqa da kóptegen elderde tyiym salynǵan) ókilderinen jasaqtalǵan úkimettiń jetekshisi alǵash ret halyqqa málimdeme jasap, ózge eldermen qarym-qatynasty jaqsartqysy keletinin jáne eldiń ekonomikalyq máselelerin sheshýge kúsh salatynyn aitty, dep habarlaidy Azattyq.
"Taliban" radikaldy qozǵalysynyń (Qazaqstanda jáne basqa da kóptegen elderde tyiym salynǵan) negizin qalaýshylardyń biri, úkimet jetekshisi Molla Hasan Ahýndtyń 27 qarashada halyqqa jasaǵan aýdio málimdemesi túrli máselelerdi qamtidy.
"Birde-bir eldiń ishki isine aralaspaimyz jáne olarmen ekonomikalyq qarym-qatynasty jaqsartqymyz keledi" dedi Ahýnd 30-minýttyq aýdio málimdemesinde.
"Biz barlyq halyqaralyq qaiyrymdylyq uiymdaryn aryp-ashyǵan aýǵan halqyna kómekterin irkilmesten berýge shaqyramyz" dedi Molla Hasan Ahýnd 27 qarasha kúngi joldaýynda.
Tálipter úkimetiniń jetekshisi eger AQSh Aýǵanstannyń ortalyq bank rezervine shamamen 10 milliard dollar aqsha jiberse, el ekonomikalyq daǵdarystan qutylar edi dep sanaidy. Onyń pikirinshe, aýǵan halqy eldiń ekonomikalyq tyǵyryqqa tirelýine "Talibandy" kinálamaýy tiis. Bul jemqorlyqqa batqan aldyńǵy úkimettiń áreketiniń "jemisi" dedi.
