اۋعانستاندا ٷش ايدان استام ۋاقىت بۇرىن بيلٸكتٸ باسىپ العان "تاليبان" قوزعالىسى (قازاقستاندا جەنە باسقا دا كٶپتەگەن ەلدەردە تىيىم سالىنعان) ٶكٸلدەرٸنەن جاساقتالعان ٷكٸمەتتٸڭ جەتەكشٸسٸ العاش رەت حالىققا مەلٸمدەمە جاساپ, ٶزگە ەلدەرمەن قارىم-قاتىناستى جاقسارتقىسى كەلەتٸنٸن جەنە ەلدٸڭ ەكونوميكالىق مەسەلەلەرٸن شەشۋگە كٷش سالاتىنىن ايتتى, دەپ حابارلايدى ازاتتىق.
"تاليبان" راديكالدى قوزعالىسىنىڭ (قازاقستاندا جەنە باسقا دا كٶپتەگەن ەلدەردە تىيىم سالىنعان) نەگٸزٸن قالاۋشىلاردىڭ بٸرٸ, ٷكٸمەت جەتەكشٸسٸ موللا حاسان احۋندتىڭ 27 قاراشادا حالىققا جاساعان اۋديو مەلٸمدەمەسٸ تٷرلٸ مەسەلەلەردٸ قامتيدى.
"بٸردە-بٸر ەلدٸڭ ٸشكٸ ٸسٸنە ارالاسپايمىز جەنە ولارمەن ەكونوميكالىق قارىم-قاتىناستى جاقسارتقىمىز كەلەدٸ" دەدٸ احۋند 30-مينۋتتىق اۋديو مەلٸمدەمەسٸندە.
"بٸز بارلىق حالىقارالىق قايىرىمدىلىق ۇيىمدارىن ارىپ-اشىعان اۋعان حالقىنا كٶمەكتەرٸن ٸركٸلمەستەن بەرۋگە شاقىرامىز" دەدٸ موللا حاسان احۋند 27 قاراشا كٷنگٸ جولداۋىندا.
تەلٸپتەر ٷكٸمەتٸنٸڭ جەتەكشٸسٸ ەگەر اقش اۋعانستاننىڭ ورتالىق بانك رەزەرۆٸنە شامامەن 10 ميلليارد دوللار اقشا جٸبەرسە, ەل ەكونوميكالىق داعدارىستان قۇتىلار ەدٸ دەپ سانايدى. ونىڭ پٸكٸرٸنشە, اۋعان حالقى ەلدٸڭ ەكونوميكالىق تىعىرىققا تٸرەلۋٸنە "تاليباندى" كٸنەلاماۋى تيٸس. بۇل جەمقورلىققا باتقان الدىڭعى ٷكٸمەتتٸڭ ەرەكەتٸنٸڭ "جەمٸسٸ" دەدٸ.
