Aldaǵy Parlament sailaýynda azamattyq belsendiliktiń artyp, táýelsiz baqylaýshylardyń kóbeieri, jastardyń elektoraldy protseske degen múddesi kúsheieri sózsiz. Parlament sailaýyna qatysty «Qoldanbaly etnosaiasi zertteýler institýty» JShS direktory Talǵat Qaliev osyndai pikir bildirdi, dep habarlaidy QazAqparat.
«Bul sailaýdy jurttyń kútkenine de jyl tolyp qapty. Buǵan deiin Májilis merziminen buryn taraidy eken degen syńaida átúrli alypqashpa áńgime kóp bolyp edi. Kúni búginge deiin sailaýdyń jeltoqsanda ótetini týraly sóz jeldei esip júrdi. Sebebi Úkimettiń qazirgi quramynyń keleshegi de osyǵan bailanysty bolmaq», - deidi Talǵat Qaliev.
Onyń aitýynsha sailaýdyń ótetini jaily 81 kún buryn jariialanýy – printsiptik turǵyda mańyzǵa ie. Osy ýaqyttyń ishinde kez kelgen partiia óz resýrstaryn jumyldyryp, sailaý kampaniiasyn ótkizý úshin qoldana alady. Osy ýaqyt ishinde qansha karantindik shekteý bolsa da árbir sailaýshyǵa partiia únin jetkizýge tolyq múmkindik bar.
«Bul sailaýǵa deiingi oiyn erejelerin de Prezident Qasym-Jomart Toqaev bir jyl buryn jariialap, jastar men genderlik kvotalardyń engiziletinin habarlaǵan edi. Osydan keiin partiialardyń kóbi óz qataryn jasartyp, múshelikke jas býynnyń ókilderi men áielderdi tarta bastady. Prezident janyndaǵy Ulttyq qoǵamdyq senim keńesiniń jumysy aiasynda partiialar úshin tirkeý shegin eki ese azaitýǵa múmkindik týdy, sonymen birge elde tek eskertý arqyly ótkizile beretin beibit jinalystar týraly zań qabyldandy. Osyǵan bailanysty sailaý aldyndaǵy kampaniia mazmundy ári qyzyqty bolar degen oidamyz. «Nur Otan» partiiasy praimeriz ótkizip, óz qataryna áleýettik múshelerdi tartyp aldy. «Aq jol» bolsa aqparattyq alańda ótkir málimdemelermen kóz túskisi kelip júr. Al kommýnister tanymal blogerlerdiń kómegimen jurttyń nazaryn ózine aýdarǵysy keledi», - deidi Talǵat Qaliv.
Sarapshynyń sózine sensek sailaý ótkenge deiin bireý jańa partiiany tirkeýge, ekinshisi jumysy júrip jatqan partiiany satyp ala qoiýýǵa tyrysýy múmkin.
«Alaida saiasi keleshekten paida kórgisi keletinderdiń tabyla qoiary belgisiz. Alaida azamattyq belsendiliktiń dál osy tusta artatyny, táýelsiz baqylaýshylardyń kóbeiýi, jastardyń elektoraldy protseske degen múddesi kúsheieri sózsiz», - dedi ol.
Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslihat depýtattary sailaýyn taǵaiyndaý týraly úndeý jariialaǵan bolatyn.
«Búgin men Parlament Májilisi depýtattarynyń sailaýyn taǵaiyndaý týraly Jarlyqqa qol qoidym. Ortalyq sailaý komissiiasynyń qaýlysymen barlyq deńgeidegi máslihat depýtattarynyń sailaýy taǵaiyndalady. Aldaǵy sailaý konstitýtsiialyq merzimge sáikes, 2021 jyldyń 10 qańtarynda ótedi. Barlyq saiasi partiialardyń bul sailaý naýqanyna qatysýǵa daiyndalýyna, sailaý aldyndaǵy platformasyn ázirleýine, partiialyq infraqurylymdardy jetildirýine ýaqyty jetkilikti boldy», - dedi Prezident úndeýinde.
