Tanymal qazaqstandyq saiasattanýshy Talǵat Qaliev QR Prezidenti Nursultan Nazarbaevtyń «Uly dalanyń jeti qyry» atty maqalasyna qatysty óz pikirimen bólisti, dep habarlaidy "Ult aqparat".
«Qazaqstan Prezidentiniń tereń ári kólemdi tarihi zerttemelerdi iske qosý bastamasy onyń myqty saiasi intýitsiiasy men áleýmettik tilek sezimin kýálandyrýdyń kezekti mysaly boldy. Qazaqstandyq aýditoriianyń arasynda tarihi taqyrypqa pikirtalastar jii júrgizilip keledi. Alaida kóptegen jaǵdaida olardyń tereńdigi - keńestik zamandy baǵalaý, milliondaǵan adamnyń ómirin áketken asharshylyq sebepterin bolshevikterden kórý, jońǵar shapqynshylyǵy kezeńin talqylaýmen shekteledi», - dedi óziniń Telegram arnasynda Talǵat Qaliev.
Onyń aitýynsha, búkil tarih ulttyq tragediia men kúizelis prizmasy arqyly baǵalanyp otyr. Nursultan Nazarbaev bul máselege jaýap retinde áleýmettik tilekke ǵana jaýap berip qoimai, basqamen salystyrýǵa bolmaityn aýqymdy kezeńdi qamtýdy usynǵan sapaly jańa kún tártibin shyǵardy.
«Ol buqaralyq kóńil-kúidi qalyptastyrý jáne jalpy qoǵamdyq vektordy qalyptastyrý turǵysynan alǵanda erekshe mańyzǵa ie. Eger burynǵy paradigmada tarihqa jeńilis taýyp, kúizeliske ushyraǵan, iaǵni negativtik kózqaras sezilse, ony tereń zertteý jáne tarihi kókjiekterdi keńeitý kezinde túbegeili ózgeshe uǵyný, baǵalaýdyń pozitivti vektoryn qalyptastyrý múmkindikteri ashylady. Jeńister men jetistikterdi, tehnologiialyq damý deńgeiin, órkenietti damytýdaǵy rólin baǵalaýǵa oryn beriledi. Bizdiń ata-babalarymyz mádeni, intellektýaldy jáne tehnologiialyq evoliýtsiiadan tys qalǵan emes, olar sol evoliýtsiiaǵa eleýli úles qosyp, ony jasaýshylar bolǵan», - dep atap ótti sarapshy.
Ol osyndai pozitsiianyń ulttyq sana-sezimdi qalyptastyrýdaǵy úlken rólin atap ótti.
«Bul kózqaras turǵysynan atalǵan maqala - Qoǵamdyq sanany jańǵyrtý baǵdarlamasynyń úilesimdi jalǵasy, sebebi ótkendi uǵyný tolyqqandy ultty qalyptastyrý úshin mańyzdy jaǵdailardyń biri bolyp tabylady. Ony iske asyrý jolynda biz qazirgi álemde áigili bolyp tabylatyn tarihty miftendirý, faktilerdi emotsiialyq jáne popýlistik túsindirý jolymen júrmei, tereń ǵylymi zertteýlerge, myqty arhiv, tereń bilimdi qalyptastyrýǵa júgingenimiz qýantady», - dedi T.Qaliev.
Onyń pikirinshe, Memleket basshysy bul bastamany el Prezidenti retinde emes, Ult kóshbasshysy retinde kóterip otyr.
"Ol osy statýsqa (mártebege) institýttyq nemese saiasi mán emes, qazirgi urpaqty júieli tarihi protseske engize otyryp, myńjyldyqtar kókjiegindegi urpaq jalǵastyǵyn qalyptastyrar filosofiialyq-adamgershilik mańyz beredi", - dep oi túidi saiasattanýshy.
.jpeg)