تانىمال قازاقستاندىق ساياساتتانۋشى تالعات قاليەۆ قر پرەزيدەنتٸ نۇرسۇلتان نازارباەۆتىڭ «ۇلى دالانىڭ جەتٸ قىرى» اتتى ماقالاسىنا قاتىستى ٶز پٸكٸرٸمەن بٶلٸستٸ, دەپ حابارلايدى "ۇلت اقپارات".
«قازاقستان پرەزيدەنتٸنٸڭ تەرەڭ ەرٸ كٶلەمدٸ تاريحي زەرتتەمەلەردٸ ٸسكە قوسۋ باستاماسى ونىڭ مىقتى ساياسي ينتۋيتسيياسى مەن ەلەۋمەتتٸك تٸلەك سەزٸمٸن كۋەلاندىرۋدىڭ كەزەكتٸ مىسالى بولدى. قازاقستاندىق اۋديتورييانىڭ اراسىندا تاريحي تاقىرىپقا پٸكٸرتالاستار جيٸ جٷرگٸزٸلٸپ كەلەدٸ. الايدا كٶپتەگەن جاعدايدا ولاردىڭ تەرەڭدٸگٸ - كەڭەستٸك زاماندى باعالاۋ, ميلليونداعان ادامنىڭ ٶمٸرٸن ەكەتكەن اشارشىلىق سەبەپتەرٸن بولشەۆيكتەردەن كٶرۋ, جوڭعار شاپقىنشىلىعى كەزەڭٸن تالقىلاۋمەن شەكتەلەدٸ», - دەدٸ ٶزٸنٸڭ Telegram ارناسىندا تالعات قاليەۆ.
ونىڭ ايتۋىنشا, بٷكٸل تاريح ۇلتتىق تراگەدييا مەن كٷيزەلٸس پريزماسى ارقىلى باعالانىپ وتىر. نۇرسۇلتان نازارباەۆ بۇل مەسەلەگە جاۋاپ رەتٸندە ەلەۋمەتتٸك تٸلەككە عانا جاۋاپ بەرٸپ قويماي, باسقامەن سالىستىرۋعا بولمايتىن اۋقىمدى كەزەڭدٸ قامتۋدى ۇسىنعان ساپالى جاڭا كٷن تەرتٸبٸن شىعاردى.
«ول بۇقارالىق كٶڭٸل-كٷيدٸ قالىپتاستىرۋ جەنە جالپى قوعامدىق ۆەكتوردى قالىپتاستىرۋ تۇرعىسىنان العاندا ەرەكشە ماڭىزعا يە. ەگەر بۇرىنعى پاراديگمادا تاريحقا جەڭٸلٸس تاۋىپ, كٷيزەلٸسكە ۇشىراعان, ياعني نەگاتيۆتٸك كٶزقاراس سەزٸلسە, ونى تەرەڭ زەرتتەۋ جەنە تاريحي كٶكجيەكتەردٸ كەڭەيتۋ كەزٸندە تٷبەگەيلٸ ٶزگەشە ۇعىنۋ, باعالاۋدىڭ پوزيتيۆتٸ ۆەكتورىن قالىپتاستىرۋ مٷمكٸندٸكتەرٸ اشىلادى. جەڭٸستەر مەن جەتٸستٸكتەردٸ, تەحنولوگييالىق دامۋ دەڭگەيٸن, ٶركەنيەتتٸ دامىتۋداعى رٶلٸن باعالاۋعا ورىن بەرٸلەدٸ. بٸزدٸڭ اتا-بابالارىمىز مەدەني, ينتەللەكتۋالدى جەنە تەحنولوگييالىق ەۆوليۋتسييادان تىس قالعان ەمەس, ولار سول ەۆوليۋتسيياعا ەلەۋلٸ ٷلەس قوسىپ, ونى جاساۋشىلار بولعان», - دەپ اتاپ ٶتتٸ ساراپشى.
ول وسىنداي پوزيتسييانىڭ ۇلتتىق سانا-سەزٸمدٸ قالىپتاستىرۋداعى ٷلكەن رٶلٸن اتاپ ٶتتٸ.
«بۇل كٶزقاراس تۇرعىسىنان اتالعان ماقالا - قوعامدىق سانانى جاڭعىرتۋ باعدارلاماسىنىڭ ٷيلەسٸمدٸ جالعاسى, سەبەبٸ ٶتكەندٸ ۇعىنۋ تولىققاندى ۇلتتى قالىپتاستىرۋ ٷشٸن ماڭىزدى جاعدايلاردىڭ بٸرٸ بولىپ تابىلادى. ونى ٸسكە اسىرۋ جولىندا بٸز قازٸرگٸ ەلەمدە ەيگٸلٸ بولىپ تابىلاتىن تاريحتى ميفتەندٸرۋ, فاكتٸلەردٸ ەموتسييالىق جەنە پوپۋليستٸك تٷسٸندٸرۋ جولىمەن جٷرمەي, تەرەڭ عىلىمي زەرتتەۋلەرگە, مىقتى ارحيۆ, تەرەڭ بٸلٸمدٸ قالىپتاستىرۋعا جٷگٸنگەنٸمٸز قۋانتادى», - دەدٸ ت.قاليەۆ.
ونىڭ پٸكٸرٸنشە, مەملەكەت باسشىسى بۇل باستامانى ەل پرەزيدەنتٸ رەتٸندە ەمەس, ۇلت كٶشباسشىسى رەتٸندە كٶتەرٸپ وتىر.
"ول وسى ستاتۋسقا (مەرتەبەگە) ينستيتۋتتىق نەمەسە ساياسي مەن ەمەس, قازٸرگٸ ۇرپاقتى جٷيەلٸ تاريحي پروتسەسكە ەنگٸزە وتىرىپ, مىڭجىلدىقتار كٶكجيەگٸندەگٸ ۇرپاق جالعاستىعىن قالىپتاستىرار فيلوسوفييالىق-ادامگەرشٸلٸك ماڭىز بەرەدٸ", - دەپ وي تٷيدٸ ساياساتتانۋشى.
.jpeg)