Foto:politico.kz
Talǵar qalasynyń mańynan Sherzat Bolattyń aǵasynyń máiiti tabyldy, dep habarlaidy ult.kz.
Politsiianyń habarlamasynda "Talǵar qalasynyń mańynan 30 jastaǵy er adamnyń denesi tabyldy. Aldyn ala málimetterge sáikes, ol asylyp, óz-ózine qol salǵan" delingen.
"Marqum biyl 4 qazanda kóz jumǵan, kámeletke tolmaǵan Sherzat Bolattyń aǵasy ekeni anyqtaldy. Osy fakti boiynsha qylmystyq is qozǵaldy. Qazir barlyq jaidy anyqtaý úshin tergeý amaldary júrgizilip jatyr. Osy ýaqytta qylmystyq sipattaǵy qandai da bir belgiler anyqtalmady, - delingen habarlamada.
Politsiia Sherzat Bolattyń otbasy politseilerdiń qorǵaýynda bolǵanyn jáne osy ýaqytqa deiin marqumnyń otbasyna tóngen qandai da bir qaýip-qater tirkelmegenin aitady.
"Kúzetken qyzmetkerlerdiń túsindirmelerine sáikes, er adam kúzetiletin obektiden saǵat 23:30-da shyǵyp ketip, jeke avtokólikpen ketkeni anyqtaldy", - dep otyr politsiia.
Tergeý múddesi úshin ózge aqparat jariialaýǵa jatpaidy
