©instagram/kris_p_talgar
Talǵar qalasynda Audi jáne Renault kólikteriniń qatysýymen jol apaty boldy, - dep habarlaidy Tengrinews.kz agenttigi "Piatyi regionǵa" silteme jasap.
Basylym málimetinshe, jol apaty beinebaqylaý kameralaryna túsip qalǵan. Videodan eki baǵyttan kelgen kólikter bir-birimen soqtysyp, Audi avtokóligi inertsiia arqyly ótip bara jatqan jaiaý júrginshilerdi qaǵyp ketkeni kórsetiledi. Video áleýmettik jelide jariialandy.
Oqiǵadan keiin joǵaryda atalǵan kólikterdiń júrgizýshileri arasynda janjal týyndap, oqiǵa ornyna belgisiz adamdar kelgen. Teketires barysynda Audi júrgizýshisi tirkelgen gaz tapanshasymen qolynda sporttyq bitasy bar belgisiz adammen aýyzsha janjalǵa túsken. Aita ketý kerek, oqiǵaǵa qatysýshylardyń eshqaisysy zardap shekken joq.
Atalǵan derek QR QK-niń 293-babynda kózdelgen qylmystyq quqyq buzýshylyq quramynyń belgileri boiynsha Talǵar aýdanynda tirkeldi.
Barlyq qajetti tergeý áreketteri jáne saraptamalyq zertteýlerdiń qorytyndylarynan keiin protsestik sheshim qabyldanatyn bolady.
Tergeý barysyn oblystyq departament basshylyǵy baqylaýǵa aldy.
