Ekologiia, geologiia jáne tabiǵi resýrstar ministrligi Almaty oblysynyń Talǵar aýdanyndaǵy qubyrdy jylytý úshin kóliktiń rezeńke dóńgelegin órtegen adamdardyń isin tekserip jatyr, dep habarlaidy "Ult aqparat".
Aita ketsek, buǵan deiin áleýmettik jeli men BAQ-tarda 4 qańtar kúni Talǵar aýdany Besqainar aýyldyq okrýginde kommýnaldyq qyzmettiń qatyp qalǵan sý qubyrlaryn jylytý úshin avtokólik dóńgelegin órtegeni týraly aqparat taraǵan edi. Bul oqiǵa jergilikti turǵyndardyń narazylyǵyn týǵyzyp, azamattar áleýmettik jelide aýyldy tútin alyp ketkenin habarlaǵan.
«Osyǵan bailanysty «Talǵar sý» mekemesiniń qyzmetkerleri oqiǵa ornyna birden baryp, rezeńke dóńgelekti órteýdi toqtatty, olardan órt saldaryn joiý talap etildi. Sonymen qatar, Almaty oblysynyń ekologiia departamenti bul oqiǵanyń mán-jaiyn anyqtaý úshin resmi tekserý júrgizedi. Sonyń qorytyndysy boiynsha tiisti shara qabyldanady. Ol úshin video avtory departamentke resmi aryz jazýy kerek», - dep habarlaidy ministrliktiń baspasóz qyzmetinen.
Ministrlik tekserý qorytyndysy aldaǵy ýaqytta jariialanatynyn jetkizdi.
