Almaty oblysy Talǵar qalasynda ornalasqan Kaspi bank bólimshesine qaraqshylyq shabýyl jasaldy, - dep habarlaidy "Ult aqparat" Almaty oblystyq IID ókilderine silteme jasap.
Videobaqylaý kamerasyndaǵy jazbadan banktiń kassasy kórinedi. Betperde kigen qaraqshylar shatyrdan qarýmen basyp kirip, bank qyzmetkerlerin bailap tastaidy. Sondai-aq, olar kassadaǵy aqshany alyp ketken.
"Qylmys búgin tańǵy ýaqytta tirkeldi. Oqiǵa ornynda Talǵar IIB men Almaty oblystyq IID qyzmetkerleri jumys istep jatyr. Kaspi bank bólimshesine shabýyl jasalǵan", - dep habarlady Almaty oblystyq IID ókilderi.
"Ol kezde bank klientteri bolmaǵan. Qyzmetkerlerdiń eshqaisysy zardap shekken joq. Bank qyzmetkeri shuǵyl arada dabyl batyrmasyn iske qosyp, bolǵan oqiǵa týraly politsiiaǵa jetkizgen… Urlanǵan soma anyqtalýda", — dep habarlaidy Kaspi Bank-tiń resmi baspasóz habarlamasynda.
