Almaty oblysynyń qutqarýshylary biiktigi 40 metr qazandyq murjasynan sekirmek bolǵan 19 jastaǵy qyzdy raiynan qaitaryp, aman alyp qaldy, dep habarlaidy Sputnik Qazaqstan.
Tótenshe jaǵdailar komitetiniń aqparatyna súiensek, oqys oqiǵa týraly habar qutqarýshylarǵa tańerteń túsken.
"19-aqpan kúni Almaty oblysy Talǵar qalasynyń órt sóndirý stantsiiasyna saǵat 11:18-de jumys istemei turǵan qazandyqqa 2000 jyly týǵan qyz shyǵyp, "biikten sekiremin" dep azamattardy qorqytqany týraly habar túsken. Qazandyq Talǵar qalasynan 30 shaqyrym sherdegi Arqabai aýylynda ornalasqan. Onyń biiktigi 35-40 metr", - delingen habarlamada.
Oqiǵa ornyna Talǵar aýdandyq tótenshe jaǵdailar bóliminiń 5 órt sóndirýshisi men politsiia qyzmetkeleri shuǵyl jetken.
"Talǵar qalasynyń №2 mamandandyrylǵan órt sóndirý stantsiiasynyń mamany Rishad Rahimov pen Talǵar aýdandyq tótenshe jaǵdailar bóliminiń aǵa injeneri Nursultan Nurǵaliev qazandyqqa kóterilip, óz-ózine qol salmaqshy bolǵan qyzben sóilesti. Nátijesinde olar qyzdy arnaiy arqannyń kómegimen túsirip aldy", - delingen habarlamada.
Boijetken otbasyndaǵy janjaldan soń osyndai qadamǵa barǵan. Qutqarýshylar qyzdy raiynan qaitaryp, aman alyp qaldy.
