الماتى وبلىسىنىڭ قۇتقارۋشىلارى بيٸكتٸگٸ 40 مەتر قازاندىق مۇرجاسىنان سەكٸرمەك بولعان 19 جاستاعى قىزدى رايىنان قايتارىپ, امان الىپ قالدى, دەپ حابارلايدى Sputnik قازاقستان.
تٶتەنشە جاعدايلار كوميتەتٸنٸڭ اقپاراتىنا سٷيەنسەك, وقىس وقيعا تۋرالى حابار قۇتقارۋشىلارعا تاڭەرتەڭ تٷسكەن.
"19-اقپان كٷنٸ الماتى وبلىسى تالعار قالاسىنىڭ ٶرت سٶندٸرۋ ستانتسيياسىنا ساعات 11:18-دە جۇمىس ٸستەمەي تۇرعان قازاندىققا 2000 جىلى تۋعان قىز شىعىپ, "بيٸكتەن سەكٸرەمٸن" دەپ ازاماتتاردى قورقىتقانى تۋرالى حابار تٷسكەن. قازاندىق تالعار قالاسىنان 30 شاقىرىم شەردەگٸ ارقاباي اۋىلىندا ورنالاسقان. ونىڭ بيٸكتٸگٸ 35-40 مەتر", - دەلٸنگەن حابارلامادا.
وقيعا ورنىنا تالعار اۋداندىق تٶتەنشە جاعدايلار بٶلٸمٸنٸڭ 5 ٶرت سٶندٸرۋشٸسٸ مەن پوليتسييا قىزمەتكەلەرٸ شۇعىل جەتكەن.
"تالعار قالاسىنىڭ №2 مامانداندىرىلعان ٶرت سٶندٸرۋ ستانتسيياسىنىڭ مامانى ريشاد راحيموۆ پەن تالعار اۋداندىق تٶتەنشە جاعدايلار بٶلٸمٸنٸڭ اعا ينجەنەرٸ نۇرسۇلتان نۇرعاليەۆ قازاندىققا كٶتەرٸلٸپ, ٶز-ٶزٸنە قول سالماقشى بولعان قىزبەن سٶيلەستٸ. نەتيجەسٸندە ولار قىزدى ارنايى ارقاننىڭ كٶمەگٸمەن تٷسٸرٸپ الدى", - دەلٸنگەن حابارلامادا.
بويجەتكەن وتباسىنداعى جانجالدان سوڭ وسىنداي قادامعا بارعان. قۇتقارۋشىلار قىزدى رايىنان قايتارىپ, امان الىپ قالدى.
