Foto:dalanews.kz
"Talǵar tragediiasy – Qazaqstannyń qazirgi ahýalynyń ainasy", -dep otyr belgili saiasattanýshy Dosym Sátpaev. Bul týraly ol óziniń áleýmettik jelisindegi paraqshasynda jazdy, dep habarlaidy ult.kz.
"Munda aqiqat shyndyq iesinde emes, biligi men múmkindigi kóp adam tarapynda. Bilik basyndaǵylardyń júgensiz áreketteri, halyqtyń ádiletsizdikke ushyraýy, al memlekettik basqarý júiesiniń ár deńgeiindegi jemqorlyq qanyna sińip, sananyń kriminalizatsiiasy sheneýnikti «pahanǵa» ainaldyrsa, pahandy sheneýniktiń dosyna ainaldyryp otyr.
Sońǵy 30 jylda Talǵardaǵy qaiǵyly jaǵdai siiaqty tragediialar Qazaqstannyń ár aimaǵynda kóp boldy. Biraq olardyń basym bóligi jariia bolmady. Kei jerde qylmystyń qurbandaryna qysym jasaldy, kei jerde bilik ókilderi statistikany «qurtpas» úshin barlyǵyn jaýyp, jasyrdy.
Biliktiń jábirlenýshilerge, sonyń ishinde qaza tapqan jigittiń ákesi men týystaryna kórsetken qatygezdigi, (olardyń qaiǵysyna eshqandai janashyrlyq tanytpaýy) bul istiń kópshilik nazaryna túsip, jariialylyǵynyń ózi sheneýnikterdiń ashýyna tiip jatqanyn ańǵartady. Búkil el bul jaǵdaidy baqylap otyrǵandyqtan kóp nárseni jasyrý qiyn, al olardyń jumysynyń tiimsizdigin bútkil Qazaqstan kórip otyr.
Tergeýmen ainalysatyn adamdarǵa da joǵarydan qysym jasalyp jatqanyn umytpaǵan jón. Biraq bul qysym shyndyqty ashýǵa emes, isti jyldam jaýyp, umyttyrýǵa baǵyttalǵan. Sebebi Talǵar tragediiasy biliktiń bedeline nuqsan keltirip, júieniń álsizdigin áshkerelep otyr", -deidi Dosym Sátpaev.
